Baqytjan Bazarbek jol apatynan zardap shekken 36 jastaǵy er adamnyń týystarymen video jariialady, dep habarlaidy dalanews.kz.
Jábirlenýshi tarap qazirgi tańda Baqytjan Bazarbek olardyń qasynda ekenin aitty.
Barynsha kómegin kórsetip jatyr. Baýyrymnyń aiaqtan turyp ketýine kómegin aiap jatqan joq. Qazirgi tańda baýyrymnyń jaǵdaiy qanaǵattanarlyq. Dárigerlerge de alǵys aitamyz, - deidi jábirlenýshi tarap.
Videoda eks-depýtat ta pikir bildirdi.
Baýyrymyzdyń emi júrip jatyr. Jambyl oblystyq densaýlyq saqtaý salasy tarapynan birtalai kómek kórsetilip jatyr. Dárigerler, sarapshylar kelip, Nurjigit baýyrymyzǵa kómektesip jatyr. Dári-dármegin úzbei berip jatyr. Densaýlyǵynda oń ózgerister bar, - deidi Baqytjan Bazarbek.
Eks-depýtat alyp-qashpa áńgimeden aýlaq bolýǵa shaqyrdy.
Eske salaiyq, Jambyl oblysynda eks-depýtat Baqytjan Bazarbek jol apatyna túsip, saldarynan bir adam zardap shekkeni týraly aqparat taraǵan bolatyn. Oqiǵa Turar Rysqulov aýdany aýmaǵynda, Lýgovoe aýylynyń mańynda bolǵan.
Aldyn ala málimet boiynsha, joldyń osy bóliginde buǵan deiin ózge mashina maldy qaǵyp ketken. Jolda janýardyń óleksesi qalǵan. Ony alyp tastaý úshin er adam kólik jolyna shyqqan sátte Toyota kóligi qaǵyp ketken. Jelidegi aqparat boiynsha, kólik tizgininde Baqytjan Bazarbek bolǵan.
Artynsha Baqytjan Bazarbektiń ózi de jol apatyna qatysty pikir bildirdi.
