Jańa oqý jyly qarsańynda ata-analarǵa balalardyń uiqy rejimin aldyn ala qalpyna keltirý usynyldy. Jazǵy demalysta kesh jatyp, kesh turýǵa úirengen balaǵa mektep tártibine birden aýysý qiyn bolýy múmkin. Sondyqtan uiyqtaý jáne oianý ýaqytyn birtindep erterek ýaqytqa aýystyrǵan durys, dep habarlaidy dalanews.kz.
Balanyń jasyna qarai uiqy mólsheri de ózgeredi:
- 6-12 jastaǵy balalarǵa 9-12 saǵat;
- 13-18 jastaǵy jasóspirimderge 8-10 saǵat uiqy qajet.
Mamandar balany kún saiyn shamamen bir ýaqytta uiyqtatyp, bir ýaqytta oiatýǵa keńes berdi. Uiyqtar aldynda smartfon, planshet pen kompiýterdi paidalanýdy shektep, bólmeni jeldetip, tynysh orta qalyptastyrǵan jón.
Tolyqqandy uiqy balanyń zeiinin aýdarýǵa, jańa aqparatty jaqsy meńgerýine jáne kúni boiy belsendi bolýyna kómektesedi. Sondyqtan qosymsha sabaqtar men oiyn-saýyq úshin uiqy ýaqytyn qysqartýǵa bolmaidy.
