Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Baǵdarlamada Golovkinniń jalaqysy týraly suraq qoiǵan jýrnalist sotqa tartylmaq

Көркем Алдабергенова
Baǵdarlamada Golovkinniń jalaqysy týraly suraq qoiǵan jýrnalist sotqa tartylmaq
Kollaj: Dalanews.kz

YouTube-arnasyndaǵy "Ýaqyt kórsetedi" baǵdarlamada Ulttyq olimpiada komitetiniń basshysy Gennadii Golovkinniń jalaqysy týraly suraq qoiǵan jýrnalist Nurseiit Jylqyshybai sotqa tartylmaq. Bul týraly jýrnalistiń ózi aitty, - dep habarlaidy Dalanews.kz. 

Jýrnalistiń sózinshe. ol belgisiz nómirden hat alǵan. 

"Skrindi salmai-aq qoiaiyn. Hat avtory ózin Ulttyq olimpiada komitetiniń quqyqtyq qamtamasyz etý qyzmetiniń basshysymyn dep tanystyrady. Ol kisiniń aty-jóni joq pa? Bundai hat mór men qol qoiylyp jibermeýshi me edi? Álde aty dardai úlken komitettiń jýrnalistermen kommýnikatsiiasynyń deńgeii osy ma? Bálkim meniki teris. Múmkin Ulttyq olimpiadalyq komitettiń atyn jamylǵan kóshede júrgen bireýler shyǵar. Shyn komitettiń adamy bolsa atyn aityp adam siiaqty habarlasyp resmi qaǵaz jiberýi tiis qoi.

Másele mynada olimpiada chempiony, Vel Barker kýboginiń iegeri Baqtiiar Artaev komitet basshysy G. Golovkin 20 mln asa ailyq alatyny ras pa degen suraq qoidym. Baqtiiar «Ol jaǵyn naqty bilmeimin. Biraq estýim bar osy áńgimeni» deidi.

Maǵan jazylǵan hatta myna zańdy alǵa tartady. QR «BUQARALYQ AQPARAT QURALDARY» TÝRALY ZAŃYNYŃ 19-BABYNA SÁIKES, AZAMAT NEMESE ZAŃDY TULǴA BUQARALYQ AQPARAT QURALDARYNAN OSY BUQARALYQ AQPARAT QURALYNDA TARATYLǴAN, ShYNDYQQA SÁIKES KELMEITIN JÁNE AR-NAMYSYNA, QADIR-QASIETINE JÁNE ISKERLIK BEDELINE NUQSAN KELTIRETIN MÁLIMETTERDI TERISKE ShYǴARÝDY TALAP ETÝGE QUQYLY. Meniń túsinbegenim keshegi Elbasy men Nur Otannyń sharapanyta bólengen Golovkinniń qandai ar-namysyna, iskerlik beledine nuqsan keltirdik. Bir onyń jeke basyn sóz qyldyq pa? Álde nashar boksshy dep synadyq pa? Sondai-aq bul sózdi (Golovkinniń ailyǵyna qatysty) dalada júrgen adam emes, ákim bolǵan, sport salasyn basqarǵan, ómirin sportqa arnap kele jatqan sanaýly olimpiada chempiondarynyń biri aityp otyr. Maǵan bul aqparatty teriske shyǵar depti. Onyń bir joly suhbat. GGG maǵan suhbat bersin. Men bárine ashyqpyn. Tómende vatsaptan kelgen hat", - deidi jýrnalist.
 
Hatta komitet ókilderi Nurseiit Jylqyshybaidan QR zańdaryn saqtai otyryp, resmi túrde jalǵan aqparatty teriske shyǵarýdy suraǵan. 

2004 jylǵy Olimpiada chempiony Baqtiiar Artaev "Ýaqyt kórsetedi" YouTube-arnasyna bergen suhbatynda Ulttyq Olimpiada komitetiniń prezidenti Gennadii Golovkinniń jalaqysy týraly aitty. 

Naqty bilmeimin, biraq Golovkinniń UOK-degi jalaqysy – 20-25 million teńge shamasynda, – dedi Artaev suhbatta.

Keiinnen Qazaqstan Respýblikasy UOK bul aqparattyń shyndyqqa janaspaitynyn resmi túrde málimdedi. 

Gennadii Golovkin prezidenttik qyzmetti erikti negizinde atqarady. Onyń qyzmetine aqsha tólenbeidi. Onyń motivatsiiasynyń qarajatqa da, saiasi mansapqa da qatysy joq. Eń aldymen onyń jumysy qazaqstandyq sportqa qoldaý kórsetýge, sondai-aq, Qazaqstan UOK-tiń halyqaralyq sporttyq qoǵamdastyq aldyndaǵy bedelin nyǵaitýǵa baǵyttalǵan, - degen málimdemede. 

Óz qyzmetine kirisken boida Gennadii Golovkin UOK-tiń memlekettik biýdjet aqshasyna úmittenbeitinin ashyq aitqan. Uiymnyń qyzmeti G. Golovkinniń qatysýymen tartylǵan demeýshiler qarajaty esebinen júzege asatynyn da habarlady.

Jalǵan aqparat taratýshylar QR zańyna sáikes jaýapqa tartylatynyn, naqtylap aitar bolsaq, QR QK 274 babyna sai qylmystyq jaýapkershilikke tartylatynyn eskerte ketken.

Jýrnalist suhbat Gennadii Golovkin Madina Sádýaqasova

Oqi otyryńyz