Ázirbaıjan men Armenıa Taýly Qarabaqta bitimge kelýge ýaǵdalasty

Dalanews 06 sáý. 2016 00:22 339

Ázirbaıjan qorǵanys mınıstrligi Taýly Qarabaqtaǵy áskerı qımyldardyń toqtatylǵany týraly habarlady. Mınıstrlik osyndaı ýaǵdalastyqtyń Armenıa tarapymen kelisilgenin málimdedi.

Ózin-ózi jarıalaǵan Taýly Qarabaq úkimetiniń qarýly kúshteriniń basshylyǵy óńirde bitim ornaǵanyn rastady.

Buǵan deıin Armenıa prezıdenti Taýly Qarabaqtyń táýelsizdigin tanýǵa daıyn ekenin málimdegen. Prezıdenttiń sózinshe, óńirdegi áskerı qaqtyǵystyń órshigen oty "Ońtústik Kavkaz aımaǵyn ǵana emes, Evropa óńirin de sharpýy múmkin. Ázirbaıjan óz kezeginde armán áskeri "barlyq basyp alǵan aýmaqtan" ketkende ǵana oq atýdy birjaqty toqtatatynyn málimdedi. .

Qarabaq teketiresi 2 sáýirge qaraǵan túni kúrt asqynyp ketti. BUU qarýly qaqtyǵys saldarynan 30-dan astam adamnyń ólgenin, 200-den kóbi jaralanǵanyn habarlady.

Seısenbige qaraǵan túni, jaýlasqan eki jaq birdeı Taýly Qarabaqtaǵy toqaılasatyn bólikterdiń bárinde "shıelenistiń saqtalǵany" týraly málimdedi.

Usynylǵan
Sońǵy jańalyqtar