Mańǵystaýdyń jergilikti biligi 150 oralmannyń áli azamattyq almaǵanyn rastady.
Mańǵystaý oblysyna Iran men Ózbekstannan kelgen oralmandar ózderine Qazaqstan azamattyǵyn alýdy ońailatý úshin jergilikti biliktiń "Astanadan ruqsat kútip júrgenderin" aitady. Oblystyq kóshi-qon politsiiasy basqarmasy "oralmandardyń azamattyq máselesi sailaýǵa deiin sheshiledi" dep úmittenedi.
Mańǵystaý oblysy ákiminiń baspasóz hatshysy Gúlmira Balǵojaeva ákimdiktiń Facebook paraqshasyna 2010 jyldan beri Mańǵystaý oblysyna 23 myńnan astam oralman kóship kelgenin, biraq olar ońailatylǵan tártip boiynsha Qazaqstan azamattyǵyn qabyldaýǵa ýaqytynda ótinish bermegenin jazǵan.
Mańǵystaýǵa Iran, Saýd Arabiiasy, Túrkimenstan men Ózbekstannan qonys aýdarǵan etnikalyq qazaqtar Aqtaý qalasyndaǵy oralmandarǵa arnalǵan beiimdeý ortalyǵynda turyp jatyr. 2010 jyly ashylǵan ortalyq 200 otbasyna arnap salynǵan. Ortalyqta oralmandardan bólek balalar úiiniń túlekteri de turady.
