Sherzat isine qatysty sotta aiyptalýshylardyń qorǵaýshylary prokýrorǵa qarsylyq bildirdi. Bul jaǵdaiǵa advokat Meiirman Shekeev pikir bildirdi, - dep habarlaidy Dalanews.kz.
"Prokýrorǵa qarsylyq bildirý Qylmystyq-protsestik kodekstiń 88-babynda kórsetilgen. 88-bapta 87-bapqa silteme jasalady. Ol jerde qandai jaǵdaida prokýrorǵa qarsylyq bildirýge bolatyny týraly tizbesi kórsetilgen. Aiyptalýshylardyń ókilderiniń berip otyrǵan negizderi ol talaptarǵa sai emes. Emotsiialyq jaǵdai, basqa degen bapta negiz bolyp sanalmaidy. Sot bul qarsylyqty qanaǵattandyrmaidy dep oilaimyz", - dedi advokat.
Búgin sot otyrysynda aiyptalýshy Darhan Áskentaidan jaýap alý bastaldy. Prokýror Dana Sársenbai aiyptalýshy Darhan Áskentaiǵa suraqtar qoiyp bastaǵan kezde onyń qorǵaýshysy prokýrorǵa qarsylyq bildiretinin málimdedi. Bul qarsylyqty qorǵaýshy tarap qoldady.
"Ol (Dana Sársenbai – esk.) suraqtardy burmalap qoiyp, aiyptalýshyǵa qysym kórsetip, daýys kóterip sóilep otyr. Biz memlekettik aiyptaýshyǵa qarsylyq bildiremiz", – dedi advokat Máýlen Erjanov.
