Londonda ornalasqan CNN International arnasynyń tájiribeli tilshisi jáne júrgizýshisi Maks Foster Astanaǵa kelmekshi. Ol 2005 jyldan beri CNN-de qyzmet etip, qazir «CNN Newsroom» baǵdarlamasyn júrgizip júrgen tanymal telemaman. Sondai-aq, jaqynda ekranǵa shyqqan «What We Know with Max Foster» atty jańa jańalyqtar baǵdarlamany da júrgizetinin aita ketýimiz kerek.
Fosterdiń jýrnalistikadaǵy mansaby 1990-jyldary BBC-de bastaldy, onda ol biznes-reporter jáne júrgizýshi retinde jumys istegen-di. Budan basqa Aziiadaǵy qarjylyq daǵdarys siiaqty iri oqiǵalardy jariialap, BBC Breakfast jáne BBC World siiaqty baǵdarlamalarda qyzmet atqardy.
Foster suhbat aýlydyń da qas sheberi. Ol Donald Tramp, Stiv Djobs, Bill Geits, Teilor Svift syndy tanymal tulǵalar áńgime-dúken qurǵanyn jaqsy bilemiz. Maks Foster CNN Academy arqyly jas jýrnalisterge tálimgerlik etip, halyqaralyq konferentsiialarda moderatorlyq qyzmetti de atqaryp júrgenin bilemiz. Taiaýda ol Qazaqstanǵa keletinin tilge tiek etti.
– Men Londonda ornalasqan CNN arnasynyń tilshisi ári «Biz ne bilemiz» atty baǵdarlamanyń júrgizýshisimin. Aldaǵy kúnderi Astanaǵa barýdy asyǵa kútip otyrmyn. Óitkeni baǵdarlamamyzdy alǵash ret ózge elde ótkizgeli otyrmyz, – deidi tájiribeli maman.
Ol aldaǵy ýaqytta Horvatiianyń Premer-ministri Andrei Plenkovichpen, sondai-aq BUU-nyń Kóshi-qon uiymynyń ókili Emi Papamen jáne basqa da tanymal sarapshylarmen suhbattaspaqshy.
