QR Ulttyq ekonomika ministrligi "Aýyl amanaty" baǵdarlamasyn iske asyrýdyń jańa modelin ázirlep jatyr, dep habarlaidy Dalanews.kz
Ol aýyldy damytýda memlekettiń negizgi qoldaý quraly bolmaq.Tujyrymdama sheńberinde injenerlik jáne áleýmettik infraqurylymdy qatar damyta otyryp, keleshegi zor aýyldardaǵy jobalardy iske asyrýǵa basa nazar aýdarylady.
Damý áleýeti joǵary eldi mekenderdiń tizbesi 2019 jyly anyqtalyp, ákimdikterdiń usynysymen 2023 jyly ózektendirildi.
Jobalardy oryndaý kezinde sý, jylý, gaz, elektrmen jabdyqtaý júiesi jańǵyrtylyp, qolaily áleýmettik jaǵdai jasalady.
Baǵdarlama aýyldaǵy kásipkerlikti damytýdy kózdeidi. Qoldaý tetiginiń ishinde 2,5%-ben shaǵyn nesie men lizing bar. Qazir ministrlik skrining arqyly eldi mekenderdiń mamandanýyn anyqtaý tásilin, erejelerdi jańartýda.Sonymen qatar, óńirlik erekshelikti eskere otyryp, mikronesie berý tizbesi keńeitilýde. Aýmaqtardyń áleýmettik-ekonomikalyq damýyndaǵy basty jańa qyzmet túrleri tanyldy. Máselen, Abai men ShQO ákimdiginiń usynysy boiynsha tizimge shaǵyn biznestiń perspektivalyq salasy retinde týrizm engizildi.
Sondai-aq aýyl turǵyndarynyń tabysyn arttyrý, shyǵyndardy qysqartý men logistikany damytý úshin shaǵyn indýstriialyq aimaqtar qurý kózdelgen. Olar ónimdi saqtaý, óńdeý men satý alańyna ainalyp, jergilikti jerlerde jańa jumys ornyn ashady.
