Atyraý oblysynda qaza tapqan erli-zaıyptynyń ólimi boıynsha kúdikti Sultan Sársemálıev pen Aqbaıan Muqanǵalıeva Qazaqstanǵa jetkizildi, dep habarlaıdy Dalanews.kz
Buǵan deıin olar Indonezıada ustalǵan bolatyn. Kúdiktiler aldymen Malaızıa arqyly jetkizilip, keıin Almatyǵa ákelindi. Al búgin tańerteń olar Atyraý qalasyna ushyp keldi.
Qazirgi ýaqytta ekeýi de qamaýǵa alynǵan. Tergeýshiler olardan jaýap alyp jatyr, is boıynsha tergeý jalǵasýda.
Eske sala keteıik, kúdiktiler 24 aqpanda Indonezıanyń Lombok aralynda ustalǵan. Olar Jangeldın aýylynda bolǵan eki kisi ólimine qatysy bolýy múmkin. Tergeý nusqasyna sáıkes, bul qylmys aldyn ala josparlanǵan bolýy yqtımal.
Kúdiktiler ustalǵan kezde Sultan Sársemálıevtiń janynan uıaly telefondar, bank kartalary jáne qaza tapqan otbasyǵa tıesili bolýy múmkin qujattar tabylǵan.
