Kórmeler, qoıylymdar, konserttik baǵdarlamalar men aýylsharýashylyǵy ónimderiniń jármeńkesinen turatyn is-sharalarelordalyqtarǵa El táýelsizdiginiń 25 jylynda oblystyń ekonomıkalyq jáne mádenı salada jetken jetistikteri jaıly baıandaıdy.
Qazaqstan Respýblıkasynyń Prezıdenti - Elbasy Nursultan Nazarbaevtyń saıasatyn ustanǵan Shyǵys Qazaqstan oblysy 25 jylda áleýmettik-ekonomıkalyq, ónerkásip, aýyl sharýashylyǵy, mádenıet jáne sport salalary boıynsha jarqyn jetistikterge jetti.
Atap aıtsaq, 25 jyl ishinde jalpy óńirlik ónim kólemi 8,8 mıllıard teńgeden 2,3 trıllıon teńgege deıin nemese 260 ese ósti. Jalpy ishki ónim turǵyndar sanyna shaqqanda 5 myń teńgeden 1656,2 myń teńgege deıin nemese 330 ese ulǵaıdy.
El Táýelsizdiginiń 25 jyly ishinde óńirde 150 bilim nysany salyndy, onyń ishinde 129 mektep, 21 balabaqsha bar, 100-den astam densaýlyq saqtaý nysany ashyldy, olardyń qatarynda 17 aýrýhana, 28 aýyldyq dárigerlik ambýlatorıa, 7 medısınalyq pýnkt, 13 stamotologıalyq klınıka bar. Munymen qosa, 40 mádenıet nysany ashyldy, onyń ishinde 11 Mádenıet úıi, 5 Dostyq úıi, 10 saıabaq, 3 murajaı bar. Sport salasynda 300 jańa nysan paıdalanýǵa berildi, onyń ishinde 17 saýyqtyrý kesheni, 139 fýtbol alańy, 137 hokeı qorapshasy, 2 ıpodrom, 3 hokeı modýli, Jekpe-jek saraıy, tenıs korty, jeńilatletıkalyq manej, ortalyq jabyq júzý baseıni, sportqa daryndy balalarǵa arnalǵan mektep-ınternat, taý shańǵysy kesheni ashyldy.
Óńirde iske asyrylyp jatqan jobalar tek damýdy ǵana emes, bastysy halyqtyń jaǵdaıyn jaqsartyp, birtektilikti nyǵaıtyp, beıbitshilikti saqtaýǵa baǵyttalýda.
2016 jylǵy 8-qazanda «Kórme» ortalyǵynda Shyǵys Qazaqstannyń Berel qorymy, Shilikti obasy syndy birqatar tarıhı oryndarda tabylǵan qundy arheologıalyq artefaktilerdiń kórmesi, Qazaqstan Respýblıkasynyń Ulttyq mýzeıinde óńirdiń baı mádenı ómirin tanystyratyn «Shyǵys Qazaqstan sýretshileri.Ýaqyt portretine shtrıhter» jáne «Úlken jol kezeńderi» taqyrybyndaǵy sýret jáne foto kórmeleri, Qazaqstan Respýblıkasynyń Ulttyq Akademıalyq kitaphanasynda «Táýelsizdiktiń jarqyn jetistikteri: Shyǵys Qazaqstan» attykitap kórmesi, teatr súıer qaýymǵa, dál osy kúni L. Gýmılev atyndaǵy Eýrazıa Ultttyq ýnıversıtetinde Óskemen qalasyndaǵy oblystyq drama teatry sahnalaıtyn K. Lúdvıgtiń «Juldyzdy sát» qoıylymy jáne Semeı qalasynyń Abaı atyndaǵy oblystyq teatry usynatyn F. Dostoevskııdiń «Dádúshkın son» atty spektakili kórsetiledi. «Qazaqstan» sport saraıynda «Torpedo» jáne «Astana»balalarhokkeı komandalary arasyndaǵy dostyq týrnıri, «Barys» h/k-nyń beldi oıynshysyTalǵat Jaılaýovtyń qatysýymen balalarǵa hokeıden sheberlik saǵabyótkiziledi.
Qazan aıynyń 8-9 kúnderi «Han Shatyr» saýda oıyn-saýyq ortalyǵynyń alańynda «Qazaqstanda jasalǵan» atty aýyl sharýashylyǵy ónimderiniń jármeńkesi uıymdastyrylatyn bolady. Jármeńkede elorda turǵyndaryna 300 tonnaǵa jýyq túrli aýyl sharýashylyq ónimderi usynylmaq.
Eki kún boıy «Kórme» ortalyǵyndaSHyǵys Qazaqstan oblysynyń jetistikteri jaıly pash etetin«Beıbitshilik pen jasampazdyqtyń 25 jyly» atty buıymdar men ónimderdiń kórmesi ótedi.
Sondaı-aq, is-shara barysynda Á. Qashaýbaev atyndaǵy oblystyq fılarmonıa ujymy kelýshilerge ekikúndik mádenı konserttik baǵdarlamasymen kóterińki kóńil-kúı syılaıdy.
