Assambleiaǵa aqyl-keńes aityp, otbasylyq qundylyqtarǵa qatysty kózqarasyn ortaǵa salasyn organ retinde qurylǵan Analar keńesi elimizdiń barlyq óńirinde belsendi. Assambleia usynǵan málimet boiynsha, Qazaqstanda búginderi 1800-ge jýyq Analar keńesi bar, oǵan 10 myń jýyq adam múshe.
Keńes otbasynyń irgesin nyǵaitý, ana men balany qorǵaý baǵytynda sońǵy jyldary nendei jumys atqardy? Dalanews.kz osy týrasynda Keńes tóraiymy Altynai Táńirbergenova men uiymnyń Túrkistan óńirindegi filial basshysy Dúisenkúl Jambolovanyń pikirin bilgen bolatyn.
"Analar keńes januia institýtynyń irgetasyn bekitip, qabyrǵasyn nyǵaitýda mańyzdy ról atqaryp otyr. Analar keńesiniń jalpyulttyq forýmyn 2014 jyldan beri úzbei ótkizip kelemiz.
Iá, qoǵam tarapynan keńestiń fýnktsiiasyna qatysty túrli saýal týyndaýy zańdy. Shyn máninde, Analar keńesiniń jumys aiasy qoǵamnyń barlyq salasyn qamtyp otyr. Otbasy ǵana emes, bilim salasy, densaýlyq saqtaý, quqyqtyq máselemen betpe-bet kelgen kez-kelgen azamat bizdiń uiymnyń keńesine júgine alady", – deidi bul rette Altynai Táńirbergenova.
Al Dúisenkúl Jambolovanyń atap ótkenindei Analar keńesiniń sońǵy jyldary - elimizdegi qyz-kelinshekterdiń quqyq salasyndaǵy saýatyn arttyrýǵa kúsh salýda. Áke-shesheniń qamqorlyǵynan qaǵylǵan tastandy balalardyń máselesin sheshýge de uiym belsendileri atsalysyp jatyr.
"Áiel balasynyń qyryn jany bar" degendi jii estimiz. Dese de, taiaqtyń eki ushy bar eskerý kerek. Qyz balasy qorlyqqa kóne berse, tóze berse, munyń sońy tragediiamen aiaqtalýy múmkin. Osy sebepti de Analar keńesi tarapynan qyz-kelinshekterge birinshi kezekte quqyqtyq jáne psihologiialyq konsýltatsiialar berýge múddelimiz. Qiyn jaǵdaida qalǵan jalǵyzbasty analarǵa tek osylai ǵana arasha túsemiz", – deidi ol.
Búginderi Analar keńesiniń janynan 600-ge jýyq shyǵarmashylyq ortalyqtar, úiirmeler ashylǵan. Keńes músheleri Úkimet deńgeiinde qabyldanǵan Otbasylyq jáne genderlik saiasat jónindegi kontseptsiiany jetildirýge úles qosýda.
Keńes tóraiymy Altynai Táńirbergenovanyń atap ótkenindei uiym jalǵyzlikti analar jáne múmkindigi shekteýli balasy bar analarǵa qoldan kelgenshe járdem kórsetýde. Aitalyq, keńes músheleri uiytqy bolǵan "Ana taim" bastamasy aiasynda 100-den asa qyz-kelinshek biznestiń qyr-syryn meńgerip, 60 áiel keiinnen óz kásibin ashqan.
"Jalǵyzbasty analardy jalǵyz qaldyrǵymyz kelmeidi. Kerisinshe, olar kómekke muhtaj kezde qol ushyp, qoltyǵynan demeýimiz qajet", – deidi keńes tóraǵasy.
Dalanews.kz anyqtamasy:
Assambleia janynan qurylǵan "Analar keńesi" negizgi baǵyty – elimizdegi otbasy institýtynyń órisin keńeitý, qyz-kelinshekterdiń quqyqtyq saýatyn arttyryp, balalardyń álimjettikke ushyraýyna jol bermeý osynyń negizinde eldegi otbasylyq-demografiialyq saiasatqa súieý bolý.
Keńes músheleri áke-sheshesinen aiyrylǵan balalardyń máselesin sheshýge, otbasylyq dástúrlerdi jańǵyrýǵa, ulttyq qundylyqtary ulyqtaýǵa udaiy atsalysyp keledi.
