Asqar Myrzahmetov Jambyl oblysyna ákim boldy
"Memleket basshysynyń Jarlyǵymen Asqar Isabekuly Myrzahmetov Jambyl oblysynyń ákimi bolyp taǵaiyndaldy", - delingen habarlamada.
Osyǵan deiin Jambyl oblysyn Kárim Kókirekbaev basqaryp kelgen. Atap aitsaq, Kárim Nasbekuly óz jumysyn 2013 jyldyń jeltoqsan aiynan bastaǵan bolatyn. Oblys tizginin tup-týra 4 jyldan astam ýaqyt ustady.
Al, ótken jyldyń jeltoqsanynan beri jumyssyz júrgen eks-vitse-premer Asqar Isabekuly QR premer-ministriniń orynbasary jáne Aýyl sharýashylyǵy ministri qyzmetinen bosatylǵaly beri onyń jańa taǵaiyndalýyna bailanysty túrli boljamdar aityldy.
Aita keteiik, 2016 jyldyń mamyrynda Asqar Myrzahmetov Memleket basshysynyń buiryǵymen Aýyl sharýashylyǵy ministri bolyp taǵaiyndalǵan bolatyn.
Asqar Myrzahmetov buǵan deiin "Nur Otan" partiiasy tóraǵasynyń birinshi orynbasary qyzmetin atqardy.
2009-2015 jyldar aralyǵynda Ońtústik Qazaqstan oblysynyń ákimi boldy.
2007-2009 jyldary "Ońtústik" Áleýmettik-kásipkerlik korporatsiia" Ulttyq kompaniiasy" aktsionerlik qoǵamynyń basqarma tóraǵasy qyzmetin atqardy.
Sonymen qatar, ár jyldary Qazaqstannyń Ózbekstandaǵy Tótenshe jáne Ókiletti elshisi boldy, 2005-2006 jyldary aýyl sharýashylyǵy ministri qyzmetin atqardy.
Asqar Isabekulyn eń sońǵy qyzmetinen Ómirzaq Shókeev almastyrǵan edi.
Derekkózi: Abai.kz
