Qarý-jaraq bastyǵynyń basqarmasy «Qazaqstan Respýblikasy Qarýly Kúshteriniń áskeri qyzmetshilerin, áskeri bólimderi men mekemelerin jeke qorǵaný quralymen jabdyqtaý normalaryn bekitý týraly» qorǵanys vedomstvosy basshysy buiryǵynyń jobasyn daiyndady, dep habarlaidy Dalanews.kz.
Joǵaryda atalǵan normalardy qabyldaý jeke qorǵanys quraldaryn Tyl bastyǵy basqarmasynyń jabdyqtaý normalarynan alyp, olardy Qarý-jaraq bastyǵy basqarmasynyń múlik tizbesine beredi.
Normalar qoiylǵan mindetterdi oryndaý kezinde áskeri qyzmetshilerdiń ómirin barynsha saqtaý úshin quramalar men áskeri bólimderdi jeke qorǵanys quraldarynyń qajetti sanymen qamtamasyz etý maqsatynda ázirlendi. Olardyń qatarynda oq ótpeitin keýdesheler, modýldik brondy túsirý júiesi, dýlyǵa, qorǵanys qalqandary, kózdi qorǵaý jiyntyqtary jáne t.b. bar, - dep jazylǵan málimette.
Qorǵanys ministri buiryǵy jobasynyń tolyq mátinimen «elektrondyq úkimet» portalynda biylǵy jyldyń 5 naýryzyna deiin «Ashyq NQA» bóliminde myna https://legalacts.egov.kz/npa/view?id=15451597silteme boiynsha tanysýǵa bolady.
