"As berýge ruqsat beriledi, biraq...". Qiiasov jańa qaýlyǵa qol qoidy
Qaýly boiynsha qarjy naryǵy sýbektileriniń qyzmetine ruqsat berilip otyr. Oǵan qosa, keńester men otyrystardy kózbe-kóz ótkizýge bolady. Biraq qaýlyda kórsetilgen algoritmdi qatań saqtaý qajet.
Budan bólek, áleýmettik-ekonomikalyq nysandar jumysyn shekteý ólshemsharty da jariialanyp otyr.
Máselen, "jasyl aimaqtaǵy" banket zaldar 30%-dan artyq emes, biraq 50 adamnan asyrmai toltyryp, as berýdi ótkizý úshin ǵana jumys isteýge ruqsat berilip otyr. Sport sharasyn da ótkizýge bolady. Biraq kórermen sany 20 protsentten aspaýǵa tiis.
Sol siiaqty oiyn-saýyq ortalyǵy, boýling, kompiýterlik klýb pen biialiardta adam sany 30 protsentten artyq bolmaýy shart. Al "qyzyl" jáne "sary" aimaqta ondai nysandar ashylýyna ruqsat joq.
"Al epidemiologiialyq jaǵdai 5 kún boiy nasharlap tursa, máselen, bir óńir "jasyl" aimaqtan "sary" aimaqqa nemese "sary" aimaqtan "qyzyl" aimaqqa kóshken jaǵdaida karantin sharalary kúsheitiledi.
Al "qyzyl" aimaqtan "sary" aimaqqa nemese "sary" aimaqtan "jasyl" aimaqqa kóshse, 7 kúnnen keiin shekteý sharalary jeńildetiledi", - delingen qaýlyda.
Qaýlynyń tolyq mátinin jáne árbir aimaqtyń ólshemsharttaryn myna jerden kórýge bolady.
