28 naýryzda keshkisin Aqtóbe qalasynda tótenshe jaǵdai jariialandy, dep habarlaidy Dalanews.kz.
Aqtóbe qalasynyń ákimi Azamat Bekettiń málimdemesi ákimdiktiń resmi saitynda jariialandy.
"Sý tasqyny - tabiǵi qubylys. Ony tejeý ońai bolmai jatqany ras. Aqtóbe sý qoimasynda bolǵan sýdyń kólemi bir táýliktiń ishinde 150 million tekshe metrge kóbeidi. Sý qoimasy mundai kólemdi sýdy syiǵyza almaidy. Iaǵni, qalaǵa túgel qaýip tónip tur. Sondyqtan, biz sýdy jiberip otyrýǵa májbúrmiz. Elek ózeniniń boiynda ornalasqan jáne Qarǵaly ózeniniń Kirpishti kópirine jaqyn ornalasqan baý-baqsha ujymdarynyń turǵyndaryn evakýatsiiaǵa kelisim berip, úilerińizdi bosatýlaryńyzdy suraimyn.
Biz úshin sizderdiń ómirlerińiz óte mańyzdy. Ózderińiz bilesizder naýryzdyń 26-sy kúni qala aýmaǵynda kúnniń kúrt jylynýyna bailanysty dala sýlary kóterildi. Birneshe turǵyn alaptar men baý-baqsha ujymdaryna qaýip tóndi. Búgingi kúni 73 úige sý kirdi. 155 adam evakýatsiialandy. Sý tasqyny saldarynan zardap shekken turǵyndarǵa kómek beriledi. Eshkim nazardan tys qalmaidy. Taǵy da aitarym, sizderdiń ómirlerińiz biz úshin mańyzdy! Sý tasqynymen kúreske kómektesip júrgen turǵyndarǵa rahmet. Osy qiyn jaǵdaida sizderdi birlikke shaqyramyn", - delingen ákimniń jazbasynda.
