"Qyrǵyz Respýblikasynda bolyp jatqan oqiǵalar – sol eldiń ishki máselesi. Qazaqstanda baýyrlas Qyrǵyz elimen ózara dástúrli dostyq qatynastardy jáne strategiialyq seriktestikti nyǵaitý asa mańyzdy dep sanaidy. Sonymen qatar kórshiles eldegi ahýaldy turaqtandyrý isi Qyrǵyz Respýblikasynyń Konstitýtsiiasy men zańdaryna sáikes júzege asyrylady dep úmittenedi. Qyrǵyz halqy óz memleketiniń uzaq merzimdi múddesi úshin kúrdeli jaǵdaidan shyǵýdyń tiimdi jolyn tabady dep paiymdaidy", dep jazdy ol Facebook-tegi paraqshasynda.
5 qazanda Qyrǵyz elinde jappai tártipsizdikter bastaldy. Sailaýda Parlamentke óte almai qalǵan partiialardyń ókilderi narazylyqtaryn bildirdi.
Narazylyq bildirýshiler sailaý nátijeleriniń joiylyp, qaita daýys berýdi talap etti. Keshke narazylyq bildirýshiler men qaýipsizdik kúshteri arasynda qaqtyǵystar boldy. Túnde Bishkekte narazylyq bildirýshiler Memlekettik ulttyq qaýipsizdik komitetiniń ǵimaratyna basa-kóktep kirip, Qyrǵyz eliniń burynǵy prezidenti Almazbek Atambaevty bosatty.
Eldiń bas prokýrory mindetin ýaqytsha atqarýshy taǵaiyndaldy, ol Jogorký Keneshtiń depýtattaryn sailaý kezinde iri kólemde falsifikatsiiaǵa jol berýshilerdiń barlyǵyn qamaýǵa alýǵa sanktsiialar berilgenin málimdedi.
