«Aq jol» dempartiiasynyń tóraǵasy Azat Perýashev, tóraǵa orynbasary Qazybek Isa, partiia atynan Májilis depýtattyǵyna kandidat Azat Ótepbai 14 naýryz «Amal» merekesin halyq ortasynda ótkizýdi maqsat tutyp, Jańaózen qalasyna bardy.
Shtab ókilderi aldymen Beket ata basyna ziiarat etýden bastady. Jolda Shopan ata, Oǵylandy zirattaryna quran oqydy.
Qutpan namazyn Beket ata basyndaǵy meshitte oqyǵan ziiarat etýshiler Beket ata ómirimen tanysyp, áýlieniń rýhyna duǵa baǵyshtady.
14 naýryz kúni respýblikalyq shtab músheleri «KMG EP Catering» JShS eńbek ujymymen kezdesti.
Úgit-nasihat toby Jańa jyl – Naýryzdyń Amal merekesinde “sailaý”, “saiasat”, “ekonomika” taǵy basqa máselerler aityp emes, Jańaózen halqyn merekemen quttyqtaýdan bastady.
Kásiporyn ujymy da «aqjoldyqtardy» Qurmanǵazynyń áigili «Adai» kúiimen qarsy alyp, qazaqtyń urpaqtan-urpaqqa jalǵasyp kelgen salt-dástúrine sai qonaqjailyq tanytty.
Ulttyq kiim men kimeshek kigen, aq jaýlyqty ájelerimiz áýezdi ánderi arqyly aq jarma nietterin jetkizdi.
«KMG EP Catering» kásiporny Mańǵystaý jáne Atyraý oblystaryndaǵy ken oryndaryndaǵy munaishylardy ystyq tamaqpen qamtamasyz etedi. Búgingi tańda kompaniia 1000-nan astam joǵary bilikti qyzmetkerlerden turady.
Partiia lideri jiynda partiianyń saiasi baǵdarlamasyn tanystyryp, Parlamentte atqarylǵan jumystarǵa toqtaldy.
– Biz Kórisý kúnin biýrokrattar men sheneýnikterdiń arasynda emes, halyqpen birge qarsy alýdy jón dep sheshtik. Sol úshin eńbek ujymdarymen kezdesýler ótkizýdemiz.
Ózderińiz bilesizder, naýryzdyń 19-kúni Parlament pen jergilikti maslihattarǵa sailaý ótedi. «Aq jol» partiiasy barlyq óńirlerdi aralaýda. «Aq jol» dempartiiasy eldegi eń tájiribeli partiialardyń biri. Sailaýshylarmen kezdesýde biz tek partiia baǵdarlamasy men josparlarymyz týraly ǵana aitpai, sailaýshylar aldynda atqarylǵan jumystar jóninde de esep beremiz.
Mysaly, qazir kópishiliktiń nesiesi bar, bul halyq moinyndaǵy qamyt. Bizdiń partiia 8 jyl boiy «Jeke tulǵalardyń bankrottyǵy týraly» zańdy qabyldaý úshin kúresip keldi.
Segiz jyl boiy Úkimet usynysymzdan bas tartyp kelgen. Biylǵy jyldyń 3 naýryzynda bul zań kúshine endi. «Aq jol» dempartiiasy Parlamenttik fraktsiiasy qurylǵan soń óz jumysyn jalǵastyrady.Sizderdiń qoldaýlaryńyzben Parlamentke ótip, el úshin eńbek etýdi jalǵastyratynymyzǵa esh kúmándanbaimyz, – dedi A.Perýashev.
Jinalǵan qaýymdy kóktem merekesimen partiia tóraǵasynyń orynbasary Qazybek Isa da quttyqtady.
Ol partiia saiasi baǵdarlamasynyń basym baǵyttaryna toqtaldy. «Alash» ideologiiasy, ákimderdiń qyzmet atqarýy kezinde partiia qatarynan shyǵýy, ádil sailaý týraly aitty. Ol eńbek ujymyn sailaý ýchaskelerine kelip, óz tańdaýyn jasaýǵa shaqyrdy.
Sonymen qatar, «aqjoldyqtar» «MunaiSpetsSnab» ujymymen kezdesti. Partiia lideri saiasi baǵdarlamanyń negizgi alty baǵytyn atady: Táýelsizdik pen «Alash» ulttyq ideiasy, demokratiia men parlamentarizm, sybailas jemqorlyq jáne de-ofshorizatsiiamen kúres, áleýmettik ádilettilik, naryqtyq ekonomika jáne kásipkerlikti qoldaý, syrtqy saiasat. Parlamentarizm máselesine, sonyń ishinde úkimetti jasaqtaýǵa jan-jaqty toqtaldy. Dempartiia Úkimetti parlamenttik sailaýda jeńiske jetken partiia jasaqtaýy kerek dep sanaidy. Sonda bul partiia óz Úkimetiniń barlyq jetistikteri men kemshilikteri úshin jaýapty bolady.
Ashyq áńgime formatynda ótken kezdesýde memlekettik tildiń qoldanys aiasyn keńeitý, saiasi jaýapkershilik mádenietin qalyptastyrý, sheteldik munai-gaz kompaniialarymen jasalǵan kelisimsharttardy qaita qaraý, jemqorlar shetelge shyǵarǵan qarjyny elge qaitarý, jer men jer qoinaýy Qazaqstan halqynyń menshigi bolyp tabylatyndyǵy týraly norma máseleleri talqylandy.
Jiyn barysynda qyzmetkerlerdiń biri tenderlerdiń turaqtylyǵyna qatysty suraq qoidy.
– 2014 jyly Úkimet «Memlekettik satyp alý» týraly zańnan «qazaqstandyq taýar» men «qazaqstandyq óndirýshi» uǵymdaryn alyp tastaǵan. Tek «Aq jol» dempartiiasynyń depýtattary ǵana qarsy shyǵyp, bul normalardyń saqtalýyn 9 ret daýysqa salyp, 9 rette de «Nur Otan» men kommýnister bizdiń ustanymǵa qarsy daýys berip, satyp alýlar týraly zańnan otandyq biznestiń qorǵalýyn alyp tastady.
Nátijesinde biz ulttyq kompaniialar men iri ken óndirýshilerdeni qazaqstandyq kompaniialardy qorǵaý úshin «Memlekettik satyp alý» týraly zań qabyldaýdy talap etip jiyrma shaqty depýtattyq saýal joldadyq, alaida, udaiy sol usynystarymyzdan bas tartyldy.
Tek ótken jyly Prezident Qasym-Jomart Toqaev óziniń 1 qyrkúiektegi joldaýynda satyp alýdyń jańa júiesin ázirleýdi tapsyrǵan bolatyn. Qarjylyq qoldaý kórsetilgen jaǵdaida memleket básekege qabiletti shaǵyn jáne orta kásiporyndarǵa basymdyq beredi. Memlekettik jáne kvazimemdekettik uiymdardyń satyp alýdaryn birińǵai platformaǵa kóshirý. Bul sharalardy júzege asyrý úshin memlekettik satyp alýdar týraly jańa zań daiyndalýda, ol Parlamentke túskennen keiin biz bul jumysty jalǵastyramyz, – dedi A.Perýashev.
Kelesi sóz kezegi «Autsource Director Ltd» JShS direktory, «Aq jol» dempartiiasynyń partiialyq tizim boiynsha kandidaty Azat Ótepbaiǵa berildi.
– Bizdiń saiasi baǵdarlamamyzda kvazimemlekettik sektordy qysqartý máselesi qamtylǵan. Memleket pen biznestiń qarym-qatynasynda deldaldyq qurylymdardy joiýdyń ekonomikalyq jáne saiasi qajettiligi týyndady.
Kásipkerlikti qoldaý úshin qurylǵan damý institýttary is júzinde memleket bóletin qarajat pen resýrstardy shoǵyrlandyryp, olardy kóbinese sybailas jemqorlyq mehanizmderimen bailanystyratyn óz súzgisi arqyly taratatyn róldi atqarady.
Kásipkerlerge kómek retinde bólingen milliardtaǵan qarjy ádeii paidalanylmai, ekinshi deńgeili bankterdegi depozitterge jyldar boiy jinaqtalyp, alynǵan paiyzdar birneshe milliondyq syiaqylar men bonýstar túrinde menedjerler arasynda bólinedi, – dedi A.Ótepbai.
«Aq jol» fraktsiiasy buǵan deiin de depýtattyq saýaldarynda jastardy qoljetimdi baspanamen qamtamasyz etý máselesin kótergen bolatyn. Sol kezde partiia tóraǵasy óz depýtattyq saýalynda shaǵyn turǵyn úiler salyp, birinshi qabattarda oqý ortalyqtaryn, tigin tsehtaryn nemese sheberhanalardy ornalastyrýdy usynǵan. Osylaisha jastardy baspanamen qamtamasyz etip, olarǵa jumys kózin ashý kózdelgen.
«Aq jol» dempartiiasy aldaǵy ýaqytta da Parlamentte Úkimet aldynda júieli problemalardy kóteretin bolady», – dep sendirdi respýblikalyq shtab músheleri.
