Jiynǵa oblys ákimi Nurlan Noǵaev, elge belgili tulǵalar Murat Ábenov, Esen Eleýken, Maralbek Saǵynǵanov, blogshy Álisher Elikbaev, Syrym Ábdrahmanovtar da qatysty.
Jiylǵandarǵa suraq qoiǵan jergilikti stýdent jurtqa belgili tulǵalardyń qoǵamnyń tárbishisi ekenin aityp, olardy ult máselesine nazar aýdarýǵa shaqyrdy.
Suraqqa jaýap bergen akter Ánýar Nurpeiisov ult, til máselesine qatty kóńil bólýdiń qajeti joq ekenin jetkizdi. Onyń aitýynsha, máselen, myń jyldan keiin jer betinde qazaq túgili, eshqandai ult qalmaidy. Sondyqtan ult, til dei bergenshe bilimge kóńil bólý kerek dedi ol.
Ol sońǵy kezde jigitterdiń qyzdarǵa kóp eliktep júrgenine de qatysty pikir aitty. Nurpeiisovtyń oiynsha, munda turǵan eshteńe joq. Biz jahandaný ýaqytynda ómir súrip jatqandyqtan, túrli mádeniettiń tabiǵatyn boiymyzǵa báribir sińiremiz, odan qashyp qutylý múmkin emes.
Oblys ákimi Nurlan Noǵaev bul pikirmen kelispeitinin aityp, úzildi-kesildi qarsy boldy:
– Ár ult óziniń kelbetin, tabiǵatyn saqtap qalýǵa talpynýy kerek. Bul – tabiǵattyń zańy. Til – ulttyń tabiǵatynan habar beretin qural, sondyqtan biz tilge, ulttyq qundylyqtarǵa birinshi kezekte kóńil bólýimiz kerek. Jigitterimiz – jigitshe, qyzdarymyz – qyzdarsha ósýi qajet! – dedi Nurlan Noǵaev.
Aita ketelik, Atyraýda ótip jatqan biylǵy Blogquryltaiǵa respýblikanyń túkpir-túkpir túkpirinen internet qoldanýshylar jinalyp, sala aldynda turǵan problemalar men múmkindikterdi talqylady. Shara erteń blogtýrmen aiaqtalady. Blogshylar jeti hannyń súiegi jatqan Saraishyq jerine jáne aimaq úshin ekonomikalyq erekshe mańyzy bar birneshe zaýytqa barady.
Derekkózi: szh.kz
