Orda.kz saity quzyrly organnan Erbol Nazarbaevtyń Qandy qańtar oqiǵasynan qandai da bir qatysy bar, joǵyn anyqtaýǵa tyrysqan eken.
Áriptesterimizdiń bul saýalyna QR Sybailas jemqorlyqqa qarsy is-qimyl agenttiginiń apparat basshysy Arman Hasenov qysqa-nusqa jaýap beripti.
– Erbol Bolatuly Nazarbaev 14 sáýir kúni óziniń qalaýy boiynsha qyzmetinen ketti, – dep jaýap qaiyrǵan. Soǵan qaraǵanda Erbol Nazarbaevtyń Qandy qańtarǵa eshqandai qatysy bolmaýy múmkin.
Erbol Nazarbaev 2015 jyldan beri QR Sybailas jemqorlyqqa qarsy is-qimyl agenttiginiń Almaty qalasy men Ortalyq apparatynda túrli qyzmetter atqarǵanyn bilemiz. Bir sózben aitsaq, Erbol Nazarbaev besikten beli shyqpai jatyr Antikordyń jaýapty qyzmetkerleriniń biri bolǵany kópshilik úshin qyzyq bolyp turǵany anyq.
Orda.kz saitynyń jýrnalisteri Erbol Nazarbaevtyń Antikorda jaýapty qyzmetti atqarǵan kezde oǵan alǵan bilimi qanshalyqty sáikes bolǵanyn bilýge tyrysqanda Arman Hasenov «Quqyq qorǵaý organdarynyń qyzmeti týraly» Zańnyń 42 baby 5 tarmaǵy boiynsha memlekettik qupiiaǵa jatatynyn aitypty.
Osylaisha Erbol Nazarbaevtyń Antikorda jaýapty qyzmet atqarýyna qandai bilimi men biliktiligi jol ashqanyn qupiia kúiinde qaldy.
