"Ertis ormany" basshysy para aldy degen kúdikke ilindi, dep habarlaidy Dalanews.kz.
Pavlodar oblysy boiynsha Sybailas jemqorlyqqa qarsy qyzmet prokýratýranyń úilestirýimen orman sharýashylyǵyn qorǵaý salasyndaǵy júieli jemqorlyqty anyqtaý sheńberinde "Ertis Ormany" Memlekettik orman tabiǵi rezervaty basshysy tarapynan para alý deregin anyqtady.
"Ol kásipkerlerge iskerlik ormandy zańsyz keskeni jáne satqany úshin para alýdyń qylmystyq shemasyn uiymdastyrǵany anyqtaldy. Biyl 26 qańtarda tergeý sotynyń sanktsiiasymen Rezervat basshysy 2 ai merzimge qamaýǵa alyndy", - delingen habarlamada.
Sonymen qatar, rezervattyń bes býhgalterine qatysty sotaldy tergeý júrgizilip jatyr, olar 2021-2023 jyldar aralyǵynda ózderiniń kartochkalyq shottaryna, sondai-aq mekemeniń jumys istep turǵan jáne burynǵy qyzmetkerleriniń shottaryna jalaqyny esepteý jáne aýdarý arqyly 25 million teńge somasynda asa iri mólsherde biýdjet qarajatyn jymqyrǵan.
"Keltirilgen materialdyq zalal ishinara óteldi. Tergeý jalǵasyp jatyr. Qylmystyq-protsestik kodeksiniń 201-babyna sáikes ózge aqparat jariialanbaidy".
Antikor oqiǵaǵa qatysty video jáne fotosýretterdi taratty.
