Úmitker densaýlyq saqtaý salasynda aitarlyqtai ózgerister bolatynyn aitty. Partiia baǵdarlamasynda osy salada bes jylda júzege asyrylýy tiis asa mańyzdy mindetter belgilengen. Atap aitqanda, oń ózgerister aýyldyq jerlerdiń damýyna yqpal etedi.
– Aqtóbe oblysy halqynyń 26 paiyzǵa jýyǵy aýyldyq jerlerde turady. Partiia baǵdarlamasyna sáikes, negizgi kúsh oblystyń aýyl sharýashylyǵy salasyn qoldaýǵa jáne damytýǵa baǵyttalady. Bul rette densaýlyq saqtaý, bilim berý, mádeniet, sport, kásipkerlik salalaryn jańǵyrtý, aýdandardy túletý kózdelip otyr. Máselen, aldaǵy 5 jylda 19 aýylda jańa mektep, 13 aýylda aýdandyq aýrýhana salynady, sondai-aq 78 dárigerlik ambýlatoriia, 14 feldsherlik-akýsherlik pýnkt jáne 196 meditsinalyq pýnkt ashylady.
Aýyldaǵy kadr tapshylyǵy máselesin sheshý úshin jas dárigerlerge kóterme járdemaqy tólenedi, olar baspanamen qamtamasyz etiledi. «Diplommen — aýylǵa» baǵdarlamasy aiasynda óńirlerde jyl saiyn keminde 100 mamandy jumyspen qamtý josparlanýda, – dei kele Erlan Sultangereev aqsaqaldy aldaǵy sailaýǵa qatysýǵa shaqyrdy.
Turar Sheriiazdanov ómir boiy dáriger bolyp eńbek etken. Ardager Oiyl týberkýlezge qarsy dispanserin basqardy, Temir aýdandyq aýrýhanasynyń bas dárigeri boldy, aýdandyq sanepidstantsiiany, basqa da emdeý mekemelerine basshylyq etti. Ol densaýlyq saqtaý salasy máselelerin jetik biledi.
Aýdandyq aýrýhanalardyń jańa qural-jabdyqtarmen, kadrmen qamtamasyz etiletinin estip, óz qýanyshyn jetkizdi.
— Men aýylda týyp-óstim, kóp jyldar jumys istedim. Aýyldarda bilim men densaýlyq saqtaý salasynyń damitynyna qýanyshtymyn. Árbir oblys turǵyny sapaly qyzmet alýy kerek. Balalar keń aýditoriialarda oqyp, naýqastar bilikti dárigerden em ala alady, jastardyń damýyna, úide otyryp óz isin bastaýyna zor múmkindikter beriledi. «AMANAT» partiiasynyń barlyq salany qamtyǵan baǵdarlamasy adamdardyń qolaily ómir súrýine jaǵdai jasaityny qýantty. Sondyqtan men partiiany qoldaimyn jáne aldaǵy sailaýda «AMANAT»-qa daýys beremin, — dedi Turar Sheriiazdanov.
Aqtóbe oblystyq máslihaty depýtattarynyń sailaýynda
partiialyq tizimdi usynǵan «AMANAT» partiiasy sailaý
qorynyń qarajatynan tólendi.
