Almatynyń kafe-meiramhanalary karantindik rejimdi jii buzýda
Barlyq faktiler boiynsha ákimshilik jaza qoldanylady. Bul arada tekserýshiler bolǵan mekemelerdiń janynda politseilerdiń avto posttary kezekshilik etetin bolady.
Almaty qalasynyń sanitarlyq-epidemiologiialyq baqylaý departamenti 20 naýryzdan 23 tamyz aralyǵynda monitoringtik toptardyń 2 myńǵa jýyq karantindik buzýshylyqty anyqtaǵanyn eseptedi.
Epidemiologtardyń aitýynsha, koronavirýsqa bailanysty qaladaǵy qazirgi jaǵdai áli de kúrdeli. Sońǵy aptada «simptomdy» naýqastardyń úlesi 94,2%-dy qurady. Sondyqtan quramyna ákimdik, politsiia qyzmetkerleri, kásipkerler palatasynyń ókilderi men eriktiler kiretin mobildi toptar shaǵyn jáne orta kásipkerlik sýbektileriniń, qala turǵyndary men qonaqtarynyń karantindik shekteýlerdi saqtaýy boiynsha profilaktikalyq jumystaryn jalǵastyrýda.
Epidemiologiialyq talaptardy buzatyn obektilerge erekshe kóńil bólinedi: oiyn-saýyq mekemeleri, kafeler, meiramhanalar, karaoke, barlar, saýda ortalyqtary. Atap aitqanda, Ashyq jobasy aiasynda jumys isteitin kásipkerlik sýbektileri tekserilýde.
Sonymen, 21-22 tamyz aralyǵynda monitoringtik toptar belgilengen shekteýlerdiń 20 buzýshylyǵyn anyqtady.
Mysaly, 21 tamyzda saǵat 19.00 shamasynda tyiym salynǵanyna qaramastan, Áýezov aýdany, Aqsai 4 shaǵyn aýdanynda «Dostar» meiramhanasy jumys istep, onda 150 qonaqtyń qatysýymen is-shara ótti.
Dál sol kúni Naýryzbai aýdanynyń tekserýshileri keshki saǵat 17.10 shamasynda Aqjar shaǵyn aýdanyndaǵy «Samir» meiramhanasynda 80 kelýshi bolǵan zań buzýshylyqty anyqtady.
Taǵy bir banket jasyryn túrde Naýryzbai aýdany, Drozdy kóshesindegi jeke úide ótti, onda 30 qonaq boldy. Tekserýshiler habarlaǵandai, munda qudalyq bolǵan.
21 tamyzda Almaly aýdanynyń monitoringtik toby keshki saǵat 22 shamasynda karantindi buzǵan 50 adam bar «Letnyi dvor» kafesiniń jumysyn toqtatty.
Sol kúni, shamamen saǵat 23.00-de Almaly aýdanynyń Qurmanǵazy kóshesindegi «1917» kafesinde tártip buzýshylyq anyqtaldy, shamamen 16.30-da Bostandyq aýdanyndaǵy «Bi Kumis» meiramhanasynda 100 qonaq shaqyrylǵan banket toqtatyldy.
22-23 tamyz aralyǵynda Almatyda 12 karantindik buzýshylyq anyqtaldy. Tekserýshiler jeksenbi, 22 tamyzda demalys kúnderi jumysqa tolyq tyiym salynǵanyna qaramastan, Bostandyq aýdany Alma Arasan kóshesindegi «Holam» kafesiniń jumys jasap jatqanyn habarlady. Mekeme ishinde 30-ǵa jýyq kelýshi bolǵan.
Sol kúni Dýlati kóshesinde «Ý Isabaia» kafesi jumys jasaǵan, tekserýshiler 80 kelýshiniń demalysyn toqtatty.
22 tamyzda Alataý aýdanynda monitoringtik top «Firýza» meiramhanasyn ashylǵanyn jáne 40 qonaqtyń bolǵanyn anyqtady.
Naýryzbai óńirinde 60 kelýshiniń qatysýymen is-shara ótkizilgen «Nur-Ai» meiramhanasynda karantinniń buzylýy tirkeldi.
Almatyda patrýldik avto ekipajdar oiyn-saýyq mekemeleriniń janynda kezekshilik jasaýda, mundai sharamen barlyǵy 150-ge jýyq nysan qamtylǵan.
Almatydaǵy monitoringtik toptar ókilderiniń aitýynsha, karantinniń buzylýyn anyqtaý jumystary jalǵasady. Halyq karantindi qatań saqtaýy, adamdar kóp jinalatyn jerlerden aýlaq bolǵany, betperde rejimin ustanýy, áleýmettik qashyqtyqty saqtaýlary tiis.
