Medeý aýdanynyń ákimi Erkebulan Orazalin kóshkin bolǵan aýmaqtyń jartysy tazartylǵanyn málimdedi, dep habarlaidy Dalanews.kz.
«Negizgi tazartý joldary anyqtaldy. Aldaǵy eki saǵattyń ishinde basty jumysty aiaqtap, taǵy da máiitterdiń bar-joǵyn anyqtaimyz. Sonymen birge biz taýdyń joǵarǵy bóligin de tekserdik. Túske deiin topyraqtardy túsirip, tazalaimyz. Al komissiia sebebin tekseredi. Onyń birneshe negizgi sebep bar. Sonyń biri bul magistraldyq sý qubyry ǵana emes, sonymen qatar biik ǵimarattarǵa júk túsiretin nóser qubyry bolyp tur», - dedi ákim.
Sondai-aq ol izdestirilip jatqan adamdar men qiraǵan úi týraly da óz pikirin bólisti.
«Osynda turǵan eki jasóspirim - №48 mekteptiń oqýshylary. Olar búgin sabaqqa kelmedi. Mektep direktory da osynda», - dedi Orazalin.
«Bul eski úi. 80-jyldary salynǵan, men qatelesýim múmkin. Qujattary durys. Jańa RAP boiynsha ol R-1 aimaǵyna aýystyryldy. R1 aimaǵy bul jerde ári qarai qurylysty shekteidi», dep qosty ol.
Eske salaiyq, Almatyda turǵyn úilerge qarai tehnogendik sipattaǵy topyraqtyń ylǵaldanýynan kólemi 3200 tekshe metr lai túsken. Aldyn ala aqparatqa sáikes, úilerde tórt adam, onyń ishinde eki bala bolǵan. Qazirgi tańda eki adamnyń denesi tabyldy.
