Almatydaǵy №19 jalpy bilim beretin mektepte Qazaq tili men ádebieti aptalyǵy ótti
Direktordyń oqý isi jónindegi orynbasary Sh. Ábdimanaptyń bastamasymen «Ǵalymmen kezdesý» aidary aiasynda Abai atyndaǵy Qazaq ulttyq pedagogikalyq ýniversitetiniń aǵa oqytýshysy, «Bolashaq» baǵdarlamasynyń túlegi, «Nottimgem» ýniversitetiniń (Ulybritaniia,Nottingem) «Bilim men ǵylym salasyndaǵy basqarý» mamandyǵy boiynsha magistratýrasyn támamdaǵan, «Akademiialyq jazylym» eńbeginiń avtory, oqytýshysy Edilbai Ospanmen kezdesý uiymdastyrdy. Kezdesýge mekteptiń jas mamandar belsene qatysyp, «Ǵalym men pedagog», «Shákirtterdi ǵylymǵa baýlý», «Ózińdi-ózin basqarý» taqyryptary keńinen talqylandy.
Aptalyqta «Bilimge qushtar mektep» respýblikalyq jobasy aiasynda aqyn, Qazaqstan jazýshylar odaǵynyń múshesi, «Tazalyqqa umtylý», «Túngi lirika», «Jiyrmanyń jalyny», «Jaratylysnama» kitabynyń avtory Murathan Shoqanmen onlain kezdesý boldy. Aqyn oqýshylarǵa aqyndyqtyń syrlary, jaratylystyń qupiiasy, aqyn ǵana kóre alatyn álem týraly sóz qozǵap, syr terbetti. Oqýshylar túrli suraqtar qoiyp, tujyrymdy jaýaptar aldy. Muratqan aǵamyz kezdesý sońynda óziniń túngi lirika kitabyn mektep kitaphanasyna syiǵa tartty.
Oqýshylar boiynda til mádenietin qalyptastyrý,bilimge degen qyzyǵýshylyqtaryn arttyrý, oqytý ádistemeleriniń tiimdi joldaryn túsindirý boiynsha Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń Aqparattyq tehnologiialar basqarmasynyń basshysy Móldir Baqytqyzymen «Qazaq tilindegi tiimdi IT jobalar» taqyrybynda vebinar ótti. Vebinar barysynda M. Baqytqyzy «Til-Qazyna» ortalyǵynyń tól ónimderin, qosymsha retinde qazirgi tańdaǵy qazaq tilindegi paidaly platformalardy oqýshylar men ustazdarǵa tanystyrdy.
Aptalyq barysynda 5-9 synyp oqýshylary arasynda «Ana – tilim ardaǵym» taqyrbynda esse baiqaýy ótti. Baiqaýǵa 57 oqýshy qatysty. Baiqaý sońynda júldeli oryndar anyqtalyp, marapattaldy. Sonymen qatar «Poeziia shapaǵaty» aidary aiasynda 5-9 synyp oqýshylary arasynda mánerlep oqý saiysy boldy. Saiysqa 65 oqýshy qatysty. Týǵan jer, ana tili, Otan taqyrybynda óleńder oqylyp poeziianyń shyraiy ashyldy. Saiys sońynda qazylar jeńimpazdardy anyqtap, arnaiy diplomdarmen marapattady.
Aptalyqtyń jabylý saltanatynda mektep direktory A. Imangalieva: «Qazaq rýhaniiaty qaida desek, biz ony, árine, qazaqtyń tilinen, onyń ádebietinen tabamyz. Sondyqtan da bul aptalyqtyń ótýine erekshe mán berdik. Rýhty jyrlardy, tereń tarihty sińirýge tyrystyq. Aptalyqtyń qorytyndy nátijesin kóre otyryp, biz, ol maqsatqa jettik dep oilaimyz» - dedi. Mektep usatazdaryna kezekti aptalyqtardy da kóterińki rýhta jalǵastyrý kerektigin jetkizdi. Aldaǵy ýaqytta mundai sharalardyń kóp bolatyndyǵyn habarlady.
Sh. Ábdimanap №19 JBBM direktorynyń orynbasary
