Almatynyń qalalyq kommýnaldyq infraqurylymdy damytý basqarmasy basshysynyń orynbasary sottaldy, dep habarlaidy Dalanews.kz.
Almaty qalasy Medeý aýdandyq soty qalalyq kommýnaldyq infraqurylymdy damytý basqarmasy basshysynyń orynbasary N. Kajinniń úkimin jariialady.
Ol aýla aýmaqtaryn sanitarlyq tazalaý boiynsha jumystardy memlekettik satyp alý sharttaryn jasasýǵa járdemdesý syltaýymen 19,5 mln teńge somasynda jergilikti kásipkerdiń aqshalai qarajatyn iemdengeni úshin kináli dep tanyldy.
Kajinge memlekettik qyzmette jáne memlekettik sektor sýbektilerinde qyzmet atqarý quqyǵynan ómir boiyna aiyra otyryp, 6 jylǵa bas bostandyǵynan aiyrý jazasy taǵaiyndaldy.
Osy úkimmen memleket kirisine ainalatyn jalpy somasy 21 mln teńgeden astam eki avtokólik quraly túrinde múlki tárkilendi.
Sot aktisi zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
