2025 jyldyń qańtar aiynda Almaty kópsalaly klinikalyq aýrýhanasynda Almaty oblysynda alǵashqy donorlyq operatsiia sátti jasaldy, dep habarlaidy Dalanews.kz.
Klinika mamandary bas miynyń ólimi diagnozy anyqtalǵan 46 jasar er azamatqa donorlyq protsess uiymdastyrdy.
Bul protsess donordyń týystarynan organdardy alýǵa kelisim alǵannan keiin júzege asyryldy. Operatsiia kezinde eki búirek, júrek, ókpe jáne eki kózdiń qabyǵy alyndy.
Bul operatsiia Qazaqstan transplantologiia salasyndaǵy mańyzdy oqiǵa boldy. Operatsiiany sátti júrgizýde sheshýshi ról atqarǵan transplantolog dárigerlerdiń joǵary biliktiligi men kásibiligin kórsetti.
"Donor bolý-jańa ómirge múmkindik berý. Qazirgi ýaqytta transplantatsiiaǵa muqtaj adamdar sany artyp keledi. Donor bolýǵa bel býǵan adamdar ómirdi saqtap qalýǵa kómektesedi jáne oǵan muqtaj jandarǵa úmit beredi", - deidi Almaty oblysy Densaýlyq saqtaý basqarmasynyń basshysy Almat Turysbekuly.
