Almaty qalasynyń ákimi Baqytjan Saǵyntaev jobamen tanysyp, Naýryzbaı aýdany ákimdiginiń janyndaǵy 4,56 gektar aýmaqta eski saıabaqtyń ornyna jańa saıabaq salynatynyn jurtshylaqqa jetkizdi.
Munda tek aýdannyń ǵana emes, búkil qala turǵyndary otbasymen jáne dostarymen ýaqyt ótkizýge, jańa atraksıondarǵa minýge, aleıalarda serýendeýge jáne taza aýada tamaqtanýǵa keletin bolady. Saıabaqta 44 atraksıon men 4 fýdkort bolady.
Balalar batýtta sekire alady, vırtýaldy shyndyq álemine enedi, úshinshi qıyndyq deńgeıindegi arqan jolynan ótedi, labırıntten shyǵýdyń jolyn tabady, óziniń Lego úıin salady jáne, árıne, týǵan kúnin toılaı alady.
Saıabaqtyń biregeı tujyrymdamasynyń nátıjesinde onyń barlyq qonaqtary jasyna qaramastan kóńil kótere alady. Alem Park – bul jaı ǵana saıabaq emes, túrli-tústi shabyndyqtary, sáýlettik qurylymdary, arqan saıabaǵy, álpınısik qabyrǵa, jaıly kafeler men basqa da kóptegen oıyn-saýyqtary bar tutas qala.
Saıabaqtyń negizgi ıdeıasy – kórkem tabıǵat landshaftyn zamanaýı oıyn-saýyq tehnologıalarymen úılestirý, munda balalar men eresekter úshin demalys pen oıyn-saýyq biriktiriledi. Ár túrli master-klasstar, otbasylyq jarystar, balalar keshteri, anımatorlardyń qatysýymen ashyq aýada oıyndar ótedi.
Aıta keterligi, saıabaqqa 500-ge jýyq aǵash otyrǵyzylady. Osy jobany júzege asyrýdyń arqasynda Almatyda jańa úlken demalys jáne oıyn-saýyq saıabaǵy paıda bolady, ol turǵyndardyń jınalatyn ornyna aınalady, almatylyqtardyń jaıly turýy men demalysyn qamtamasyz etedi.
