Almaty men Astanada Qarjy ministrliginiń qyzmetkerleri ustaldy, - dep habarlaidy Dalanews.kz.
Qarjy ministrliginiń laýazymdy tulǵalary ustaldy. Olar aldaý arqyly kásipkerge kómektesken syńai tanytyp, 68 million teńge somasynda aqsha qarajatyn iemdenip alǵan.
Sybailas jemqorlyqqa qarsy qyzmettiń resmi ókili Daniiar Begaidarovtyń sózinshe, arnaiy operatsiia barysynda Almaty jáne Astana qalalarynda aýyr sybailas jemqorlyq qylmys jasaǵany úshin Qarjy ministrligi basqarmalarynyń basshylary áshkerelendi.
"Olar kásiporynǵa 570 million teńge kóleminde salyqty negizsiz qosymsha esepteý týraly aqparatty alyp, deldal arqyly osy firmanyń ókiline júginip, odan aqshalai syiaqy talap etti degen kúdikke ilindi. Aldaǵy ýaqytta bul máseleni sheshý syltaýymen ony 68 million teńge somasynda aqshalai qarajat ielendi, onyń ishinde Qarjy ministrliginiń laýazymdy tulǵalary men deldal qylmyspen áshkerelendi", - dedi Daniiar Bigaidarov Antikordaǵy brifingte.
Sottyń sanktsiiasynan kúdiktiler elektrondy baqylaý quraldaryn qoldana otyryp, úi qamaǵyna alyndy. Basqa laýazymdy tulǵalardyń qylmystyq quqyq buzýshylyqqa qatystylyǵy tekseriledi. Tergeý jalǵasýda.
