Jumys sapary barysynda QR Bas prokýratýrasy quqyqtyq statistika men arnaiy esep jónindegi komitettiń tóraǵasy Baǵdat Mýsin júrgizýshilerge qajet qujattar sanyn qysqartatyn «E-shtrafy» jobasyn tanystyrdy. Ol óziniń sózinde IIN boiynsha planshetter arqyly júrgizýshi jóninde barlyq málimetti, onyń ishinde tehpasport pen saqtandyrý polisi týraly da bilýge bolatyndyǵyn jetkizdi. Bul júie engizilgen soń avtojúrgizýshiler politsiia qyzmetkerine tek júrgizýshi kýáligin kórsetse bolǵany. Aiyppuldy júrgizýshiler dál sol jerde nemese mobildi POS-terminaly arqyly tóleidi, aqsha birden avtomatty túrde tólem júiesinen kórinedi.
«Endi hattamalarda negizgi úsh kórsetkish kórinis tabady, olar: IIN, avtomobildiń memlekettik nómiri jáne tártip buzý baby. Budan bylai júrgizýshilerdiń tolyq qujattaryn alyp júrýi qajet emes. Jergilikti politsiiamen júie testileýden ótti. Biz qujattardy qajet etpeitin júie boiynsha jumys isteitin alǵashqy qalanyń Almaty bolýyn usynamyz», – dep atap ótti B.Mýsin.
Óz kezeginde Almaty ákimi pilotty «E-shtrafy» jobasynyń megapoliste engizýge qoldaý bildirdi jáne qalanyń patrýldi qyzmetin planshettermen, mobildi termoprinterlermen jabdyqtaý úshin qarjy izdestirýdi tapsyrdy.
Premer-ministrdiń orynbasary jumys sapary barysynda «Innovatsiialyq tehnologiia parkiniń» avtonomdy klasterli qory mańynda ornalasqan «Tech-Garden» IT aimaǵynda boldy.
IT aimaqtyń rezidentteri – 10 IT-kompaniialar men 15 startaptar. Bulardyń barlyǵy IBM, ARM, Autodesk, 1C siiaqty zamanaýi paltformalardy paidalanady. Jobaǵa qatysýshylardyń kópshiligi munai-gaz, metallýrgiia, mashina jasaý siiaqty óndiris salasymen ainalysatyn tanymal sheteldik kompaniialarmen básekeles, sonymen qatar qalanyń infraqurylymyn damytýǵa ózderiniń oń isterin usyna alady.
Asqar Jumaǵaliev innovatsiialyq negizdegi jobalarmen tanysty jáne Qazaqstannyń túrli óńirleriniń jáne jaqyn shetelderdiń startap- kompaniialarynyń qatysýymen sheberlik synyptaryn ótkizýdi usyndy.
Búgingi kúni Almaty qalasy tranzitti-kólik dálizin oidaǵydai júzege asyrýda, álemniń iri naryǵyna qaýipsiz jáne qysqa joldardy qamtamasyz etýde. Qazirgi kezde elimizge halyqaralyq túrli poshta ónimderi Astana, Almaty, Oral qalalary boiynsha halyqaralyq poshta almasý arqyly keledi, bulardyń 80%-y Almaty arqyly ótedi. Poshta ónimderin Qytaidyń, Singapýrdyń, Germaniianyń, AQSh-tyń jáne basqa elderdiń internet- magazinderi jiberedi.
Premer-ministrdiń orynbasary men Almaty qalasynyń ákimi «Qazposhta» AQ-nyń aqparattyq-logistikalyq ortalyǵynyń jumysymen tanysty. Munda poshta ónimderi avtomatty túrde suryptalady, ol saǵatyna 6 545 poshta ónimderin jiberedi. Júie salmaǵy 10 kilogramǵa deiingi halyqaralyq jáne ishki banderolder men haplyqaralyq shaǵyn paketterdi irikteidi.
Ortalyq jumysymen tanysý barysynda «Qazposhta» AQ-y basqarmasynyń tóraǵasy Sáken Sarsenov internet arqyly saýda jasaýdyń kún sanap artyp kele jatqanyn aitty. Jyl basynan beri Qazaqstanǵa 9 mln. astam sheteldik poshta ónimi túsken.
«Eger biylǵy jyldyń tamyzyna deiin biz táýligine 10 000 posylkany iriktesek, suryptaý mashinasy men mobildi terminaldyń arqasynda 100 000 poshta ónimin rettei bastadyq. Tehnologiialyq protsesti ońtailandyrý arqyly poshta ónimderi táýlik boiyna suryptalady. Onyń ústine, avtomattandyrý barysynda poshta qaptary naqtyly ataýlarǵa jiberilýde, al bul poshta óniminiń jedel jetýine oń yqpal etýde», – dedi Sáken Sarsenov.
Jaqsy bazanyń, damyǵan logistikanyń jáne poshta bólimsheleriniń júieleri negizinde «Qazposhta» búgingi kúni qajetti barlyq infraqurylymdy e-commerce arqyly júzege asyra alady. Almatydaǵy internet- magazinderge kómek retinde fýlfilment qyzmeti qosylǵan, ol poshta ónimin suryptaidy, saqtaidy, qaptaidy, jetkizedi.
Sáken Sarsenov «Qazposhtanyń» túrli tranzitty jobalarǵa qatysatynyn, Qazaqstan arqyly Qytaidan Evropaǵa nemese kerisinshe tranzit arqyly habtardy jiberetinin aitty. Bul Qazaqstan arqyly Qytaidan Reseige nemese Evropaǵa tranzittti ónimderdiń 20% -dan astamyn ótetinin kórsetedi. Eger 2016 jyly «Qazposhta» arqyly tranzitti lektiń kólemi 53% -dy qurasa (10 mln. ónim, 2015 jyly 6,5 mln. bolǵan), 2017 jyly 17 mln. ónimge artady degen boljam bar.
