QR Kólik ministrligi, "Almaty halyqaralyq áýejaiy" AQ, BQDA men Almaty qalasy ákimdigi investitsiia máselelerin naqtylaý, iske asyrý kezeńderimen jáne áýe ailaǵyn odan ári damytýǵa baǵyttalǵan negizgi is-sharalar qarastyrylǵan yntymaqtastyq týraly memorandýmǵa qol qoidy, dep habarlaidy Dalanews.kz.
Bul qujat aiasynda birinshi kezekte áýe ailaǵy qyzmetkerleriniń eńbek jaǵdaiyn edáýir jaqsartýǵa erekshe nazar aýdarylady. Investor birqatar korporativtik bastamalardy júzege asyrady:
- 2025 jyly áýejai qyzmetkerleriniń jalaqysy orta eseppen 25%-ǵa ósedi;
- áýejai aýmaǵynda áýejai qyzmetkerleri men irgeles aýdandardyń turǵyndary úshin
- jańa meditsinalyq ortalyq ashylady;
- investor biyl áýejaida keminde 600 qosymsha jumys ornyn qurýdy qamtamasyz etedi;
- áýejai aýmaǵynda ACI ortalyǵymen (halyqaralyq áýejailar keńesi) akkredittelgen
- arnaiy oqý ortalyǵy iske qosylady;
- qyzmetkerler úshin jeke ashana ashylady.
2025 jyldan 2029 jylǵa deiin TAV Holding áýejaidy damytýǵa qosymsha 362 million dollar investitsiia quiady.
"Osy qarajat esebinen ushý-qoný jolaǵy qaita jańartylyp, júk tasymaldaýmen ainalysatyn kompaniialar úshin jańa perron salynady, ishki reister terminaly jóndeledi, qolda bar júk qoimalary jańǵyrtylyp, tsifrlandyrylady, sondai-aq áýejai qonaq úii salynyp, áýejaidyń jumysyn jaqsartý úshin basqa da is-sharalar iske asyrylady", delingen ministrlik habarlamasynda.
Áýejai infraqurylymynyń jańa investitsiialyq josparymen qosa, negizgi-jospardyń barlyq qosymsha málimetteri alda habarlanatyny da naqtylanady (2025 jyldyń jazy).
Esterińizge sala keteiik, Almaty qalasy áýejaiynyń jalpy aýdany 53 500 sharshy metr bolatyn jańa terminaly ótken 2024 jyldyń maýsym aiynda paidalanýǵa berilgen edi.
