Shymkenttiń aqparattyq keńistiginde sońǵy kúnderi Sársen Quranbekke qatysty suraqtar kóbeidi. Qala ákiminiń orynbasarynyń qoǵamdyq is-sharalar men resmi kezdesýlerde sirek kórinýi túrli boljamdarǵa jol ashty, dep habarlaidy dalanews.kz.
Shymkent ákimdiginiń ideologiia jáne BAQ salasyna jaýapty orynbasary Sársen Quranbektiń sońǵy ýaqytta kópshilik aldynda boi kórsetpeýi áleýmettik jelilerde qyzý talqyǵa tústi. Qala kúnine arnalǵan negizgi is-sharalarda, resmi jiyndarda jii kórinetin sheneýniktiń aqparattyq alańnan ýaqytsha «joǵalyp ketýi» qoǵam nazaryn aýdardy.
Osy tusta áleýmettik jelilerde túrli pikirler aityla bastady. Belgili jýrnalist Ońǵar Qabden óziniń jazbasynda «Búkil Qazaq dalasynyń jýrnalisteri Shymkent ákimdigine qarap eleńdep otyr» dep, máseleniń óńirlik deńgeiden asyp, respýblikalyq nazarǵa ilikkenin ańǵartty.
Al zańger Aigúl Orynbek Shymkenttegi sheneýnikterge qatysty jazbasynda «iri paramen ustalyp, keiin joǵarydan soǵylǵan bir qońyraýmen qutylyp ketetin júieni» synap, kópshilik arasynda qyzý talqy týdyrdy.
Shymkent qalalyq máslihatynyń depýtaty Talǵat Baltabaev ta áleýmettik jelidegi jazbasynda:
«Bireýge qiianat jasap, qaralaǵan adamnyń dál ózi sondai kúige túsip, basyna qara bult úiiriledi. Býmerang zańy bar», – dep pikir bildirdi.
Áleýmettik jeli qoldanýshylary bul jazbalardy qaladaǵy yqtimal kadrlyq ózgeristermen nemese basqa da oqiǵalarmen bailanystyryp, túrli joramaldar aitýda.
Alaida Sársen Quranbektiń kópshilik aldynda az kórinýine qatysty Shymkent ákimdigi ázirge resmi túsinikteme bergen joq.
Osyǵan bailanysty jeli qoldanýshylary arasynda «Sársen Quranbek qaida?», «Shymkent ákimdiginde ne bolyp jatyr?» degen saýaldar jiilep, resmi aqparatqa degen suranys artyp otyr.
Ázirge áleýmettik jelilerde taraǵan pikirler men boljamdar resmi túrde rastalǵan joq.
