Sinoptikter aldaǵy kúnderi aýa raiy qandai bolatynyn aitty, dep habarlaidy Dalanews.kz.
Elimizdiń basym bóliginde aýqymdy antitsiklonnyń áserinen jaýyn-shashynsyz aýa raiy saqtalady. Tek respýblikanyń batysynda jańbyr jaýyp, kei jerlerde naizaǵai oinaýy múmkin. 28 naýryzda Mańǵystaý oblysynda qatty jańbyr kútiledi. Sondai-aq, 26 naýryzda Soltústik Qazaqstan oblysynda, 27–28 naýryzda Shyǵys Qazaqstan oblysynda jaýyn-shashyn (jańbyr, qar) boljanady.
Respýblika boiynsha tuman túsip, soltústik pen shyǵysta kóktaiǵaq qubylystary saqtalady.
Kúndiz aýa temperatýrasy batys jáne soltústik-batys óńirlerde +15…+25°S-qa deiin, soltústik pen shyǵysta +10…+17°S-qa deiin, ortalyqta +13…+24°S-qa deiin, ońtústikte +21…+30°S-qa deiin, ońtústik-shyǵysta +18…+27°S-qa deiin, al taýly aimaqtarda +10…+15°S-qa deiin kóteriledi.
