"Alashtyń Álıhany" atty ǵylymı-tájirıbelik konferensıa ótti

Dalanews 27 qar. 2016 18:43 383

Almaty qalalyq ákimdiginiń uıymdastyrýymen 25 qarasha kúni "Ǵylym Ordasy" kitaphanasynyń konferens zalynda Alash ardageri, memleket jáne qoǵam qaıratkeri Álıhan Bókeıhanovtyń 150 jyldyǵyna arnalǵan "Alashtyń Álıhany" atty Respýblıkalyq ǵylymı-tájirıbelik konferensıa ótti.

Ǵylymı konferensıada Mámbet Qoıgeldıev, Ýálıhan Qalıjan, Aıgúl İsmaqova, Nurlan Atyǵaev, Hangeldi Ábjan, Záýresh Saqtaǵanova, Gúlbaný Júgenbaeva, t.b. belgili ǵalymdar baıandama jasady.       

Tarıhshylar «Tiri bolsam qazaqqa qyzmet qylmaı qoımaımyn» dep sert berip, Alash úshin altyn basyn báıgege tikken arystyń ómiri men qyzmetine, onyń qazaq halqy úshin etken eńbegine erekshe toqtalyp, jan-jaqty maǵulmat berdi. Alashorda úkimetin quryp, Alash partıasynyń basynda turǵan, elimizdiń bostandyǵy men erkindigin tilep ótken qaıratkerdi Alash balasy umytpaq emes. Onyń mol murasy, ónegeli ómiri týraly tarıhshylar HH ǵasyrdaǵy álemdik tulǵalardyń qataryna qosylǵan Álıhan Bókeıhannyń 150 jyldyq mereıtoıy IýNESKO kóleminde atalyp ótýde. Keler jyly Alash partıasynyń qurylǵanyna 100 tolady.

Usynylǵan
Sońǵy jańalyqtar