Jyljymaly pýnktterdiń basty maqsaty: aýdan jurtshylyǵynyń ýaqyttaryn tıimdi paıdalanyp, ekpe alýyna múkindik beredi.
Búginde aýdanda İ komponent boıynsha 7390, al İİ komponent boıynsha 4390 adamǵa koronavırýsqa qarsy vaksına egilgen.
Ekpeni aýdan ortalyǵy boıynsha qurylǵan 18 pýnkt dárigerleri jáne 7 jyljymaly egý pýnktteri júrgizýde. Mamandar qajettilik týyndasa atalǵan pýnktter sanyń kóbeıtýge múmkindik bar deıdi.
«Biz osy bazarda jumys jasaǵannan keıin túrli adamdarmen qarym – qatynasta bolamyz. Úıde otbasymyz bar, bala – shaǵamyz bar. Áne saldyramyz, mine saldyramyz dep júrdim. Úıde ulym da ekpe aldy. Osy jerge kelgeni jaqsy boldy, ekpeni ózime de saldyrtyp aldym.» - dedi, jeke kásipker A.Skakova.
Ózderińizge belgili aýdan ortalyqtary men aýyldarda egý pýnkteri úzdiksiz jumys isteýde. Ótken aptadan bastap shalǵaı eldi – mekenderge otandyq «QAZVac» vaksınasy da jetkizilgen bolatyn.
«Erikti túrde kelip, vaksına aldym. Endi mynaý halyqtyń 70% ımýnıtet qalyptastyrý kerek dep jatyr. Eldiń amandyǵy – bizdiń de amandyǵymyz. Búgin birinshi komponentin aldym. Ózimdi jaqsy sezinip otyrmyn.» - dedi, zeınetker A. Muqan.
Sonymen qatar, aýdandyq ishki saıasat jáne jastar resýrstyq ortalyǵynyń uıymdastyrýymen aýdan turǵyndaryna «Spýtnık V» vaksınasy boıynsha úlestirme qaǵazdary taratylyp, túsindirme jumystary júrgizildi.
Qasıet ARSTAN,
Alakól aýdany ákiminiń
baspasóz-hatshysy
