17 mamyrda Qazaqstanda Halyqaralyq mýzeiler kúnine arnalǵan "Mýzeidegi tún – 2025" dástúrli halyqaralyq aktsiiasy bastaldy. Is-shara aiasynda dúnie júzindegi mýzeiler, galereialar jáne basqa da mádeni mekemeler tún jarymyna deiin jumys istep, ártúrli is-sharalar ótkizdi. Biyl joǵaryda atalǵan "Mýzeidegi tún" aktsiiasy elimizde 20-shy ret ótkizilýde. Osy ataýly kún aiasynda ál-Farabi atyndaǵy Qazaq ulttyq ýniversitetiniń tarih fakýltetinde "Dara artefakt mýzeii" (Jalǵyz artefakt mýzeii) ashyldy, dep habarlaidy Dalanews.kz.
Mýzei tarih fakýlteti oqý ǵimaratynyń foiesine ornalasqan.
"Biregei mýzei ideiasynyń avtory tarih fakýltetiniń dekany, professor Dosbol Baigýnakov bolyp tabylady. Mýzeidiń negizgi jádigeri – tastan jasalǵan jebe ushy. Ol jańa tas dáýirine tiesili. Bul artefaktini ýniversitet arheologtary (Jaken Taimaǵambetov, Ǵani Iskakov, Dosbol Baigýnakov, t.b.) budan birneshe jyl buryn Túlkibas aýdanyndaǵy Qaraúńgir turaǵynan qazyp alǵan bolatyn. Atalǵan jádiger beti shynymen jabylǵan qorapqa ornatylǵan", delingen JOO habarlamasynda.
Onyń janyna birneshe myńjyldyqtardy qamtityn adamzat qolymen jasalǵan qarý-jaraq túrleriniń damýyn kórsetetin ári baiandaityn stendter qoiylǵan. Bul stendter alystan atatyn qarý tarihyn ǵana emes, sonymen qatar túrli áskeri qaqtyǵystar men shaiqastardyń sátterin de beineleidi.
Aqyrǵy stendtiń tómengi jaǵynda aǵylshyn tilinde "Adamzat, oilan!" degen sózder jazylǵan. Osylaisha, mýzeidi uiymdastyrýshylar barlyq Jer turǵyndaryn beibitshilik pen ózara kelisimge shaqyrady da, ózderiniń bastamalarynda jaqsylyqqa jarshy bolýǵa umtylady.
