Áleýmettik jelide Pavlodardan Bolgariianyń Býrgas qalasyna baratyn delegatsiianyń tizimi jariialandy. Qujatta sapardyń 2026 jylǵy 16–17 qyrkúiek aralyǵynda ótetini kórsetilgen. Taraǵan aqparatqa sáikes, delegatsiia quramyna Pavlodar qalasynyń ákimi Ashat Habylbekovtiń týǵan baýyry men depýtat Gúljaina Darimova kirgen, dep habarlaidy dalanews.kz.
Sondai-aq jazba avtorlary depýtattyń jieni qala ákimdiginde basshylyq qyzmet atqaratynyn málimdedi.
Osyǵan bailanysty jurt birneshe máseleni kóterdi. Olar ákimdikten áleýmettik jelide taraǵan qujattyń shynaiy nemese jalǵan ekenin túsindirýdi surady.
Buǵan qosa, qala ákimdigi atalǵan azamattardyń delegatsiia quramyna qandai talaptar boiynsha engizilgenin, olardyń Bolgariiada qandai jobalardy tanystyratynyn jáne sapar shyǵyndaryn kim tóleitinin jariialaýǵa shaqyrdy.
Ázirge Pavlodar qalasynyń ákimdigi bul málimetke qatysty resmi jaýap bergen joq.
