12 jastaǵy oqýshyny áýejaida jalǵyz qaldyrǵan Air Astana sotta taǵy jeńildi, dep habarlaidy Dalanews.kz Ulysmediaǵa siltep.
Búgin Air Astana kompaniiasynyń ótinishin qaraý aiaqtaldy. Tasymaldaýshy «ushaqta oryn jetpegen» qyzdyń anasyna beriletin moraldyq ótemaqyny bes million teńgeden 1,5 million teńgege deiin azaitýdy surady.
Advokat Danilhan Shaǵataevtyń sózinshe, apelliatsiialyq sot sheshimdi ózgerissiz qaldyrǵan. Bul týraly advokat áleýmettik jelidegi paraqshasynda jazdy. Sot úkimi boiynsha, kompaniia Zereniń anasyna materialdyq ótemaqy retinde bes million teńge tóleýi kerek.
Bul Air Astana-nyń enshiles kompaniiasy FlyArystan-ǵa qatysty oqiǵa. Kompaniia qyzmetkerleri kámeletke tolmaǵan jolaýshyny Astana áýejaiynda jalǵyz qaldyryp ketken bolatyn.
Zere jáne Záýre esimdi egizder byltyr 20 shildede AQSh-tan Oral qalasyna Astana arqyly ushyp jetpek bolǵan. Reiske tirkeý kezinde FlyArystan qyzmetkerleri olardyń tek bireýin tirkep, Zereni jalǵyz qaldyryp ketken.
Qyzmetkerler bul máseleni sheshe almai, bala Astana áýejaiynda jalǵyz qalyp qoidy. Osylaisha Zere tek kelesi kúni ushyp ketken.
