17 jeltoqsanda saǵat 07:38-de (Astana ýaqyty boiynsha) Almaty – Astana baǵyty boiynsha KS-851 turaqty jolaýshylar reisin oryndaý barysynda «Eir Astana» AQ-nyń paidalanýyndaǵy Airbus A321N EI-KDG áýe kemesimen aviatsiialyq oqiǵa oryn aldy, dep habarlaidy Dalanews.kz.
«Qazaeronavigatsiia» RMK Áýe qozǵalysyn josparlaýdyń bas ortalyǵy usynǵan aqparatqa sáikes, áýe kemesiniń salonynda tútin paida bolýyna bailanysty ekipaj MAY-DAY apattyq signalyn jariialaǵan.
Aldyn ala málimetter boiynsha jolaýshylar men ekipaj músheleri arasynda zardap shekkender joq.
Qoný saǵat 07:40-ta júzege asyryldy. Qaýipsizdikti qamtamasyz etý maqsatynda Almaty qalasy áýejaiynyń ushý qaýipsizdigin qamtamasyz etýge arnalǵan órtke qarsy jáne avariialyq-qutqarý qyzmeti jumyldyryldy.
Qazirgi ýaqytta atalǵan aviatsiialyq oqiǵanyń mán-jailaryn Kóliktegi oqiǵalar men oqys oqiǵalardy tergep-tekserý departamentiniń qyzmetkerleri naqtylap anyqtaýda.
