Sahnada 25 jyl! Erlan Kókeev shırek ǵasyrdaǵy shyǵarmashylyq keshin Pavlodar, Qaraǵandy, Astanada toılap, mýzyka álemindegi mereıtoıyn Almatyda qorytyndylady.
Bul keshte áıgili «Dos-Muqasannyń» boı kórsetýi zańdylyq! Óıtkeni Kókeevtiń kásibı sahnadaǵy tusaýyn dál osy ujymy kesken edi.
– Erlandy sonaý 18 jasynan bilemin. Bizdiń «Dos-Muqasan» ansambliniń ánshisi bolǵan jáne mýzykanty bolǵan. Eki jyldaı bizben birge istedi. Osy «Dos-Muqasanda» tramplın alyp, ózi jeke mýzykant bolyp shyqty, – deıdi «Dos-Muqasan» ansambliniń jetekshisi Murat Qusaıynov.
Erlannyń óner joly ABK-nyń quramynda jalǵasyn tapty. 5 jyldyq áriptestikten soń, Arynbaev Kókeevtiń tosynnan toptan ketýi, ataǵy dúrkirep turǵan trıonyń taraýyna sebep boldy, – deıdi.
– Birinshi Erlan ketti, balalyq boldy! Ony biz túsinistikpen qaradyq! Odan keıin bir jyldaı júrdik te, meniń ózimniń jazyp jatqan, ishte qaınap jatqan ánderim jaryqqa shyǵa bastady. Sondyqtan, ABK tarqady degende, biz birdeńeni bólise almaı qalyp emes, árqaısymyzdyń kókeıimizde óz jolymyz bar. Armandaǵan dara jolymyz bolǵannan keıin, tarqaýǵa týra keldi, – dedi Medeý Arynbaev.
Dál qazirgi tańda Erlan «k7» tobynyń jetekshisi. 25 jyldyq mereıtoıǵa arnalǵan Kókeevtiń konserti qarapaıym qarashadan bastap, halyq ártisiniń de kóńilinen shyqqanǵa uqsaıdy!
– Búgin jas pen orta býynnyń basyn qosqan áserli konsert boldy. Mundaı jandy daýystaǵy kesh jıi bola bermeıdi. Sonymen qatar, jumys kúninde zaldyń lyq tolýy Kókeevtiń ónerine degen qurmet dep bilemin, – dedi QR Halyq ártisi Naǵıma Esqalıeva.
– Men óte qýanyshtymyn. Súıikti qalamnyń tyńdarmandary meni jyly qarsy aldy. Almaty jurtshylyǵy mýzyka merekesin toılady degen senimdemin, – dep túıindedi Erlan Kókeev.
Derekkózi: stan.kz
