Abai oblysynda zańsyz altyn óndirýmen ainalysqan top ustaldy, dep habarlaidy Dalanews.kz.
Abai oblysynyń politseileri QR IIM arnaiy bólimshesiniń kómegimen Jarma aýdanyndaǵy shahta aýmaǵynan quramynda altyny bar kendi urlaýǵa áreket jasaǵan topty toqtatty.
Jedel-izdestirý sharalary barysynda politsiia qyzmetkerleri qylmystyq toptyń izine túsip, tórt er adamdy ustady. Olardyń janynan metall izdegishter, respiratorlar, ken tasýǵa arnalǵan qaptar jáne shamamen quramynda 3 keli altyny bar ken tabylyp, tárkilendi.
Keltirilgen jalpy shyǵyn 3 million teńgeden asty. Asa iri kólemdegi urlyq faktisi boiynsha sotqa deiingi tergeý bastaldy. QR QPK-niń 201-babyna sáikes ózge aqparat jariialaýǵa jatpaidy.
