30 shildede "Besqaraǵaidyń injý-marjanyn saqtaiyq" aktsiiasy aiasynda Abai oblysy Besqaraǵai aýdanynda Shoshqaly kóliniń jaǵalaýyn qoqystardan tazartý, qoqys jáshikterin ornatý jáne t. b. jumystary júrgizildi, dep habarlaidy Dalanews.kz.
Aktsiiaǵa aýdan basshylyǵy, belgili sportshylar, jas otbasylar, aýdan depýtattary, aýyl turǵyndary, buqaralyq aqparat quraldary ókilderi men eriktiler, sondai-aq "Jasyl el" jasaǵy belsene qatysty.
Jalpy, aktsiiany ótkizý úshin 5 arnaiy mashina jáne 100-ge jýyq adam jumyldyryldy.
Begen aýyldyq okrýginiń qaraǵaily ormanynda ornalasqan Shoshqaly tuzdy kóli Besqaraǵai aýdanynyń injý-marjany. Shipaly kól Besqaraǵai aýdanynyń soltústik-batys bóliginde, aýdan ortalyǵynan 85 shaqyrym jerde ornalasqan. Emdik qasietterimen tanymal Shoshqaly kóli bir-birine jaqyn shaǵyn sý qoimalarynan turady. Olardyń barlyǵy tuzdy, biraq quramyndaǵy tuz mólsheri ártúrli, al toǵandar emdik balshyqqa bai.
Aktsiiaǵa qatysýshy "Meiirimdi júrek" eriktiler tobynyń múshesi Marjan Ábilqasova emdik qasietteri bar kólge jyl saiyn myńdaǵan adam demalýǵa keletinin atap ótti.
"Jyl saiyn kólge irgeles aýdandardan myńnan astam adam demalýǵa keledi. Aýdan jastary «Besqaraǵaidyń injý-marjanyn saqtaiyq» uranymen kól jaǵasyn tazalap jatyr. Naýqan kezinde jaǵajai qoqystardan tazartylyp, arnaiy qoqys jáshikteri ornatyldy. Demalýshylardy tabiǵatty qorǵaýǵa jáne onyń tazalyǵyn saqtaýǵa shaqyramyz", - dep atap ótti Marjan Ábilqasova.
