Á. Bókeihan atyndaǵy syilyq jariialandy
«Bir tutas Alash ideiasyn» usynyp, ultyn rýhani kemeldenýge, mádeni túleýge, ǵylym-bilimmen sýsyndaýǵa úndegen, sol jolda Alash aldyndaǵy Azamattyq paryzyn artyǵymen oryndaǵan biregei tulǵanyń ár jyldary ártúrli búrkenshik atpen jazǵan saiasi-filosofiialyq, mádeni-aǵartýshylyq maqalalary, úndeýleri, ǵylymi-tanymdyq eńbekteri ushan-teńiz.
Sol eńbekterine úńilseńiz, qarasha halyqtyń muń-muqtajy men arman-tilegin arqalap, Eldik pen Teńdikke qalai jetemiz dep, burynǵy babalarynsha «tún uiyqtamai, kún otyrmai» eńbek etkenin, ter tókkenin kóremiz. Álekeń oi talqysyna salǵan, tereń tolǵanyspen jazǵan HH ǵasyr basyndaǵy kúrmeýli máseleler áli de ózektiligin joiǵan joq.
«Qala men Dala» gazeti ult kósemi Álihan Bókeihannyń 150 jyldyq mereitoiy men el Táýelsizdiginiń 25 jyldyǵyna orai «Álihan Bókeihan atyndaǵy syilyq» taǵaiyndap otyr.
Syilyqtyń negizgi maqsaty: Táýelsizdikti tý etken eldiń búgini men bolashaǵy týraly saiasi-áleýmettik jáne filosofiialyq taldaý jasaýǵa ziialy qaýym, ǵylymi orta men jýrnalister tobyn jumyldyrý; sol arqyly El men Jer, Ult pen Ujdan, Til men Dil taqyrybyndaǵy ótkir de ózekti maqalalardy oqyrmanǵa usynyp, qoǵamdyq talqyǵa salý; «Keshe kim boldyq? Búgin kimbiz? Erteń kim bolamyz?!» degen eshqashan mańyzyn joimaityn suraqtarǵa jaýap izdep, «Alash kósemi armandaǵan el bolý úshin ne istei alamyz?» degen oi tóńiregindegi tolǵanystardy toptastyryp, ulttyq ideologiia men memlekettik múddeniń ortaq ustanymy ne bolmaqtyǵyn aiqyndaýǵa at salysý!
Qatysý sharty: syilyqqa ǵylymi-tanymdyq negizi myǵym, ásirese, jańasha oi saraptaǵan, saiasi-filosofiialyq tujyrymy basym pýblitsistikalyq maqalalar usynylady. Baiqaýǵa qatysýshy óziniń búgingi Qazaqstannyń damýy men alǵa basýy úshin asa ózekti dep tanyǵan taqyrybynda kompiýterde 7-9 bet kóleminen aspaityn maqalasyn (jeliles taqyrypta jazar bolsa, maqala sanyna shekteý qoiylmaidy) usyna alady.
Maqala «Qala men Dala» gazetinde jáne www.dalanews.kz saitynda jariialanatyn bolady.
Syilyqqa Qazaqtyń Jańa jyly áz Naýryz merekesinen bastap (22 naýryz 2016 j.) ústimizdegi jyldyń 10 tamyzyna (10 tamyz, 2016 j.) deiin maqalalar qabyldanady. (dalanews@mail.ru poshtasyna jiberilýi kerek)
Júldegerdi anyqtaý: júldege usynylǵan maqalalar arnaiy komissiianyń sheshimimen anyqtalady. Maqalanyń saitqa jariialanǵan soń kóp qaralyp, talqylanýy da eskeriledi.
Júlde qory: Ult kósemi Álihan Bókeihan atyndaǵy syilyqqa qomaqty qarjylai syilyq taǵaiyndalyp otyrǵanyn eskertemiz. Bul syilyqtyń qadirin arttyrý úshin ári dástúrli syilyqqa ainaldyrý úshin tek bir adamǵa (1 júlde) ǵana beriledi. Sondai-aq, Á. Bókeihan medalimen jáne arnaiy diplommen marapattalady.
Syilyqty tapsyrý: Álihan Bókeihan atyndaǵy syilyqtyń qorytynydysy ústimizdegi jyldyń 30 tamyzy – Ata zań kúnine orai belgili bolady. Marapattaý rásiminde Alashtanýshy ǵalymdar men qoǵam qairatkerleri qatysyp, syilyq iesin quttyqtaidy.
Habarlasý telefony: 87770218991, 87013002096, 87078261401
Elektrondy poshta: dalanews@mail.ru
