2023 jylǵy bólingen jalpy kvota sany elimizdegi jumys kúshiniń 0,24%-yn nemese 22,2 myń birlik mólsherinde belgilendi.
2023 jyly sheteldik jumys kúshin jumysqa tartý boiynsha 4 sanatta kvota bólindi: birinshi sanat – 949 ruqsat (basshylar jáne olardyń orynbasarlary), ekinshi sanat – 5 313 ruqsat (qurylymdyq bólimshelerdiń basshylary). Ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 10 818 jáne 2 100 birlik. Sondai-aq maýsymdyq jumystarǵa 3 080 jumys kúshin tartý josparlanýda.
Budan basqa, 2023 jyly úi sharýashylyqtarynda jumys isteý úshin eńbek immigranttardy tartýǵa arnalǵan kvota respýblikadaǵy jumys kúshiniń sanyna qatysty 3,2% nemese 296,7 myń birlik mólsherinde belgilengen.
Esterińizge sala keteiik, 2022 jyly jergilikti atqarýshy organdar jumys berýshilerge sheteldik jumys kúshin tartý úshin 13,4 myń ruqsat berdi jáne uzartty, bul qaita bólingen kvotanyń 63,5% - yn (21,1 myń) qurady.
Qazirgi ýaqytta Qazaqstan aýmaǵynda jergilikti atqarýshy organdardyń ruqsaty boiynsha 13 951 shetel azamaty jumys isteidi.
2022 jyly úi sharýashylyqtarynda jumys isteý úshin eńbek immigranttaryn tartýǵa 300 myń kvota belgilendi. Al jergilikti atqarýshy organdar 272 002 ruqsat berdi.
