Almaty qalalyq №2 perınataldyq ortalyǵynda dárigerler salmaǵy bar bolǵany 742 gram bolyp dúnıege kelgen sábıdiń ómirin saqtap qaldy, dep habarlaıdy Dalanews.kz.

Bala 30 tamyzda, júktiliktiń 26-aptasynda dúnıege kelgen.

"Týǵannan keıin onyń jaǵdaıy asa aýyr boldy, sondyqtan dárigerler uzaq ári kúrdeli kútim úderisin bastady", - deıdi Densaýlyq saqtaý basqarmasy ókilderi.

40 kún boıy sábı ókpeni jasandy jeldetý (ÓJJ) apparatyna qosylǵan, keıin 24 kún nazaldy SIPAP-terapıada bolǵan, sońǵy 10 kún ózdiginen dem alyp jatyr.

Qazir sábıge 74 kún boldy, ol qurylǵysyz ózdiginen tynystap jatyr.

"Árbir gram salmaq, árbir tynys - dárigerlerdiń ortaq eńbegi, sábıdiń ómirge degen jigeriniń nátıjesi. Bul biz úshin jaı ǵana medısınalyq jumys emes, kún saıynǵy ómir úshin kúres", - dedi Almaty qalalyq №2 perınataldyq ortalyǵy dırektorynyń neonataldyq qyzmet jónindegi orynbasary Aınurym Sarbas.