2017 jyldyń Qazaq arýy anyqtaldy
Sheshýshi synda jeńis Batys Qazaqstan oblysynyń ókili Nurgúl Asanovaǵa buiyrdy. Birinshi orynǵa qyzylordalyq Zýxra Saipi ielik etse, aqtóbelik Gúljanat Jumajanova ekinshi orynnan kórindi.
Úzdik úshtikti qaraǵandylyq Áigerim Orynbekova túiindedi. «Qazaq arýy» sulýlyq baiqaýy Astanadaǵy Beibitshilik jáne kelisim saraiynda ótti.
Biylǵy saiysqa elimizdiń ár aimaǵynan iriktelgen 16 arý qatysyp, baqtaryn synady. Jyl saiyn Naýryz merekesi qarsańynda uiymdastyrylatyn «Qazaq arýy» baiqaýy birneshe kezeńnen turady. «Biyl alǵash ret «Qazaq arýy» baiqaýyna Viktoriia Petrova esimdi arý qatysatyny jariia etildi.
Baiqaýǵa qatysatyn arýlarǵa qoiylatyn talaptar – qazaq tilin jetik meńgerý, sulý, aqyldy jáne talantty bolý, boiy 170 sm-den joǵary, salmaǵy – 53 keliden artyq bolmaý kerek. Sondai-aq oǵan 16-22 jas aralyǵyndaǵy qyzdar baq synaidy. Sulýlyq baiqaýy osymen jetinshi ret ótip otyr. Onyń úsheýi Astanada ótkizilgen. Eske sala keteiik, «Qazaq arýy-2016» baiqaýynyń jeńimpazy atyraýlyq Almira Ahatova bolǵan edi.
Derekkózi: stan.kz
