Qazaqstanda respýblikalyq mańyzy bar 200-den astam jol ýchaskesin sý basý qaýpi bar, dep habarlaidy Dala News.
«QazAvtoJol» málimetinshe, táýekelge ushyraǵan joldardyń basym bóligi 50 jyldan astam buryn salynǵan. Qazirgi ýaqytta eki sý basý deregi tirkelgen, alaida olar shaǵyn ári jergilikti sipatta.
Kompaniia basshysy Darhan Imanashevtiń aitýynsha, qaýip negizinen eski infraqurylymǵa bailanysty.
«Bul ýchaskelerdiń kóbi 60–70 jyldary salynǵan. Al jańa joldarda qazirgi tańda aiqyn qaýip joq», – dedi ol.
Mamandardyń pikirinshe, kóktemgi sý tasqyny kezinde mundai ýchaskeler erekshe baqylaýdy talap etedi.
