Әлеуметтік желілерде Шілікті ауылдық округінің әкімі Қуаныш Төлеуханның жергілікті тұрғындарға дөрекі сөйлеп, балағат сөздер қолданған сәті түсірілген видео тарады, деп хабарлайды Dalanews.kz.
Кадрлардан ауыл тұрғындарының әкімнің қабылдауына келіп, оның жұмысына қатысты сұрақтар қойғаны көрінеді. Сол сәтте екі тарап арасында сөзге келіспеушілік туып, шенеунік өзін ұстай алмай, балағат сөздер айтқан.
Облыс әкімдігінің реакциясы
Шығыс Қазақстан облысы әкімдігі бұл жағдай бойынша келесі шараларды қабылдады:
-
ауылдық округ әкіміне ресми түсініктеме беру талабы қойылды;
-
қызметтік этика нормаларының бұзылуына қатысты мәселені қарау үшін материалдар Мемлекеттік қызмет істері агенттігінің Әдеп кеңесіне жолданды.
Облыс басшылығының мәлімдеуінше, мемлекеттік қызметшілердің әдеп нормаларын бұзуы үшін ең қатаң шаралар қолданылатын болады.
