Шымкентке келген қонақтарды қаланың көрікті жерлерімен таныстыру мақсатында шаһардың Туризм басқармасы ірі көшелерінің қиылысына ақпараттық навигациялық стелалар орнатуда.

Навигациялық стела – бұл жақын орналасқан туристік нысандар туралы ақпарат көзі ретінде қызмет ететін, әрі аймақта жылдам бағыт алуға жағдай жасайтын шағын көлемді дизайн.

Бүгінгі таңда аталған навигациялық стелалардың бірі – Б. Момышұлы және Желтоқсан көшелерінің қиылысында орнатылды. Алдағы уақытта бұдан өзге 29 стеланы орналастыру бойынша жұмыстар жүргізіліп жатыр.