Түнде Семей қаласындағы 3-Омбы көшесінде жеке үйдің шаруашылық қосалқы ғимараты өртенді, деп хабарлайды Dalanews.kz.
Төтенше жағдайлар қызметінің мәліметінше, өрт сөндірушілер келгенге дейін қосалқы құрылыста газ-ауа қоспасының жарылысы болған. Осыдан кейін жалын көрші тұрғын үй мен гаражға тез таралып, маңайдағы нысандарға қауіп төндірген.
Өрт 148 шаршы метр аумақта оқшауланды. Зардап шеккендер жоқ.
