15 маусым күні SCAT Airlines әуе компаниясы Шымкент – Новосібір жаңа халықаралық бағыты бойынша алғашқы рейсін орындады, деп хабарлайды dalanews.kz.
Жаңа бағыт әуе компаниясының халықаралық маршруттық желісін дамытудағы кезекті қадам болып, жолаушылар үшін Қазақстанның оңтүстігінен Сібірдің ең ірі қаласына тікелей әрі ыңғайлы қатынауды қамтамасыз етті.
Енді Шымкенттен Новосібірге ешқандай аялдамасыз ұшуға болады – бұл бірнеше күндік сапарлар, іскерлік кездесулер, оқу, демалыс немесе туыстарға бару үшін жылдам әрі қолайлы мүмкіндік.
Ұшу кестесі:
Шымкент – Новосібір: дүйсенбі және бейсенбі күндері
Новосібір – Шымкент: сейсенбі және жұма күндері
Рейстер SCAT Airlines компаниясының заманауи әуе кемелерімен орындалады. Ұшу кестесі жолаушыларға қысқа мерзімді де, ұзақ сапарларды да ыңғайлы жоспарлауға мүмкіндік береді.
Шымкент арқылы жаңа бағыт - жаңа мүмкіндіктер
Шымкент SCAT Airlines компаниясының негізгі хабтарының бірі ретіндегі маңызын нығайта түсуде. Жаңа рейс екі ірі қаланы тікелей әуе қатынасымен байланыстырып қана қоймай, Қазақстанның оңтүстік мегаполисі арқылы транзиттік сапарлардың мүмкіндігін кеңейтеді.
Новосібірден келген жолаушылар Шымкент арқылы ыңғайлы түйісу рейстерін пайдаланып, SCAT Airlines маршруттық желісіндегі өзге бағыттарға саяхаттай алады. Шымкенттен Шарм-эль-Шейх, Ыстанбұл, Тбилиси, Будапешт, Мюнхен, Камрань және Сиань қалаларына рейстер қолжетімді.
Ал Шымкент тұрғындары үшін жаңа бағыт Сібірдің қарқынды дамып келе жатқан қалаларының біріне ұзақ күту мен қосымша аялдамаларсыз тікелей жетуге мүмкіндік береді.
Новосібір – ғылым, театр және үлкен мүмкіндіктер қаласы
Новосібір – Сібірдегі ірі іскерлік, білім беру және мәдени орталықтардың бірі. Мұнда заманауи мегаполис ырғағы ғылыми қалашықтардың ерекше атмосферасымен, театр өнерімен және кең қоғамдық кеңістіктермен үйлесім тапқан.
Қалада танымал жоғары оқу орындары мен ғылыми-зерттеу орталықтары орналасқан. Оның басты мәдени нысандарының бірі – Новосібір мемлекеттік академиялық опера және балет театры, өңірдегі ең ірі театрлардың бірі.
Қала қонақтары Обь өзенінің жағалауын, саябақтарды, заманауи қоғамдық кеңістіктерді және Сібірмен танысу басталатын туристік бағыттарды жиі таңдайды.
SCAT Airlines-тың жаңа рейсі Новосібірді туристерге, студенттерге, бизнес өкілдеріне және бұрын бұл бағытқа ұшуды жоспарлаған барлық жолаушыларға бұрынғыдан да жақын етті.
Билеттер қазірдің өзінде scat.kz ресми сайтында және SCAT мобильді қосымшасында қолжетімді.
